晨光追擊│「威利金箭」長期呈勇
更新時間：19:00 2026-09-27 HKT
發佈時間：19:00 2026-09-27 HKT
發佈時間：19:00 2026-09-27 HKT
字體大小
賽事在周四上演，因此不少參戰馬留待明朝出跳，故此今朝場面甚冷清，現將操練過程報道如下。
「美麗第一」助手拍「花果猴王」鍾易禮泥閘跳兩段，同樣戴頭罩，前駒馬身實淨，毛色油潤，跳起上嚟又夠勁，但其實火氣可以更好；後駒更具朝氣，四蹄盡展力度充裕，火氣有增無減，銳不可當。
「威利金箭」戴頭罩由副練跳兩段，神情集中輕鬆完成，步伐輕快流暢，灰馬身壯實淨，長期呈勇 。「盈俊天下」戴頭罩由副練跳兩段，雖有汗濕但唔算緊張，馬身收靚有線條美，力度亦增強，進度理想。
「精算暴雪」助手拍「跨境駿馬」跳兩段，試來神閒氣定，步伐穩健勁度充足，神色火氣都唔差，今季狀態來得快。「豐功偉績」戴頭罩由助手拍「震撼人心」跳兩段，跟住走唔心急，力度好過之前，毛色亦深潤咗，埋門態況冒升。
「綫路福將」戴頭罩由助手跳三段，以均速完成，末段增速反應尚可，無咁懶亦無咁重身，有點進展。「佛亮老撾」戴頭罩由助手跳兩段，帶點均速但過步暢順，可是力度未唔太夠，火氣平平未算銳利。
「勇謀神駒」戴頭罩由助手跳三段，進度仲係平淡，力度極之普通，出腳欠勁欠俐落。「樂勝天下」助手拍「非惟僥倖」跳兩段，極之墜手充滿火氣，全程佔取上風，馬身壯毛色靚，比上仗更銳利。
快樂之友心火湧現
「快樂之友」最近試閘表現好，有脫胎換骨之感。
「快樂之友」助手跳兩段，戴頭罩及面箍，小心翼翼按實，神態活潑心火湧現，最近試閘表現好，有脫胎換骨之感。「多利旺駒」戴頭罩由跳助手兩段，翻步重欠動力，走勢平淡，而且毛色好淡色。
「金鼓大班」戴頭罩由助手拍「紫荊飛躍」跳兩段，一再岳頭岳腦唔太聽話，仲要相當重身，欠缺好感。
兆文
最Hit
小紅書熱議「港人北上消費意欲下降」？返深圳一日遊熱潮減退︰攰過返工 1物更比香港貴…
2026-09-26 18:41 HKT
月餅盒回收計劃2026｜中秋節後必看！美心全港設454個回收點 即換$73餐飲優惠券 任何品牌鐵罐、紙盒都收！
2026-09-26 17:08 HKT
