沙田早晨│阿黎留港睇兩駒操練
更新時間：17:40 2026-09-18 HKT
發佈時間：17:40 2026-09-18 HKT
發佈時間：17:40 2026-09-18 HKT
字體大小
今朝從化馬場舉行十組草地試閘，不少練馬師都有北上，但亦有部份選擇留守沙田晨課，其中只有兩駒在從化試閘的黎昭昇，未有北上亦無可厚非，而昇哥也不敢怠慢，五點正已現身烽火台，不久後「馬馳登」及「越駿聯歡」到內圈出試，練者更鏡不離手，全程睇實走勢。
領航多財米高睇到實
今朝「領航多財」出跳期間鄭俊偉特登走到欄邊金睛火眼吼實，課後亦到機坪接馬。
今朝鄭俊偉也未有北上，並且安排下周三參戰馬「領航多財」出跳，期間練者特登走到欄邊金睛火眼吼實，課後亦到機坪接馬，重視之情表露無遺，「領航多財」雖上季三戰全敗，但當時三歲進度未得，今季轉四歲必有進步，配合昨今朝米高肉緊動靜，屆時必要加倍留意。
