沙田早晨│「花香」系雙雄韋達肉緊
更新時間：16:00 2026-09-15 HKT
發佈時間：16:00 2026-09-15 HKT
發佈時間：16:00 2026-09-15 HKT
字體大小
韋達今次谷夜派馬陣容甚強，有望取得今季首勝，一對同主馬更齊齊出擊，八歲「花好月盈」蓄銳一擊威力強勁，韋達上季亦憑此駒取得馬房首捷，另外五歲「花香月明」開鑼日已出戰並表現不俗，睇埋這對同主馬今朝出試之後，韋達立即到馬房閘口接馬，值得看好。
頑童米高動靜多籮籮
今朝「頑童」出試時鄭俊偉跟出跟入，之後更特意搵楊明綸密斟。
鄭俊偉上周三靠「添喜運」取得季內首場勝仗，貫徹了近季很快就開胡的作風，由於馬房不少賽駒狀態已谷起，今仗派三駒全由華將操刀示人以弱，不過勿睇少上季已一再跑近的「頑童」，再者今朝此馬出試時米高跟出跟入，之後試閘前的空檔更特意搵楊明綸密斟。
優才潘頓航哥又行埋
潘頓今朝一度同葉楚航行埋傾談。
「優才」來港首季火速贏三班及二班，之後一季轉五歲，居然顆粒無收，六歲馬大幅減分後，今季竟能四班競逐，賽前潘頓親試大閘一放到底，今次同場快馬不多，應可收形勢之利，至於今朝潘頓一度同葉楚航行埋傾談，而以上動靜昨朝已出現了一次，動態亦肉緊到痹。
非惟僥倖輝哥唔眨眼
今朝「非惟僥倖」到大圈踱步，姚本輝全程在欄邊睇到眼都唔眨。
「非惟僥倖」上季尾配黃寶妮亡命快放後力弱而回，季前曾由艾道拿幫手考一五四八米草閘，結果走勢唔差並合格，今季初可及時上陣，此駒上季谷草曾取兩捷乃谷草能手，今仗換上大師傅必拚盡，今朝此駒到大圈踱步，姚本輝全程在欄邊睇實，甚至睇到眼都唔眨。
