沙田早晨│「瑤瑤日上」阿甘響頭炮
更新時間：15:30 2026-09-08 HKT
發佈時間：15:30 2026-09-08 HKT
發佈時間：15:30 2026-09-08 HKT
字體大小
身於練馬世家的甘敏斯，今次谷戰上演地標戰，首度派參戰馬上陣，但這位來港已組軍超過一年的澳洲籍練馬師先唱獨腳戲，只派「瑤瑤日上」，不過阿甘仍做到一絲不苟，正如此馬今朝到內圈踱步，出試時阿甘不只睇到實，課後更踩單車趕返馬房門口接馬，相當肉緊。
官金騏阿廖機坪接馬
今朝「官金騏」操練之後廖康銘走去機坪接馬。
「官金騏」上季尾轉廖廄後頭兩仗跑谷草一千米雖敗，但留前鬥後追勢吸引，剛好減夠分今季得以由四班出發，賽前已交由贏馬功臣潘頓試閘，這課直路閘輕鬆取勝走勢急勁，更跑番入位路程谷草千二米，再睇埋今朝此駒操練之後廖康銘走去機坪接馬，絕對可放心追捧。
方仔聲仔兩駒有睇頭
方嘉柏同霍宏聲今朝一度出雙入對。
方嘉柏上季以六十九W封王，當中谷草進帳四十六W，不負谷草王這個稱號，至於開季練馬師急先鋒，方仔向來是代表之一，上季九月兩次谷草夜賽合共攻下五W，今戰谷草開鑼戰當然要昅實，尤其係「福進」同「正本唐心」，原因今朝方仔同霍宏聲一度出雙入對。
長勝隊長騎練密密斟
今朝伍鵬志罕見捉住何澤堯傾談。
「長勝隊長」備戰十分積極，八月起連跳六課，埋門再試泥閘，追回第二名，末段衝上來充滿蠻勁，今戰復出戰打王牌再爭谷草千二米，主要對手俱抽外檔起步，此駒排五檔容易搶佔靚位形勢大好，再加上今朝伍鵬志罕見捉住何澤堯傾談，充滿搏殺動靜，視作馬膽穩健。
最Hit
60歲以上長者專享！中大賽馬會老年學研究所 9月3大免費AI與實用數碼科技課程(附報名日期/方法)
2026-09-07 16:30 HKT
飲茶抽兩張檯頭紙巾秒變「大禍」！？搭檯事主被1句提醒嚇窒大呻「荒謬」 網民揭非單一事件：尷尬到盡頭
2026-09-07 13:32 HKT