晨光追擊│「手機錶能」人見人讚
更新時間：15:00 2026-09-02 HKT
發佈時間：15:00 2026-09-02 HKT
發佈時間：15:00 2026-09-02 HKT
字體大小
今朝出跳的參戰馬非常之少，亦甚少騎師親身操馬，場面冷清，現將操練報導過程如下。
「手機錶能」何澤堯跳兩段，聚精會神唔急唔搶，大大隻卻唔論盡，目光銳利甚搶鏡，人見人讚。「金津寶駒」戴頭罩由黃寶妮跳兩段，有點牽強，馬身仲係肥，力度唔夠出腳論盡，進度一般，上課拍跳亦唔好。
「團結巴打」戴頭罩由楊明綸跳兩段，含枚俯首好肯走，其實放鬆程度仲未夠，外觀亦平凡，馬身唔夠壯。「太陽勇士」戴頭罩由助手跳一段，比起弗時差好遠，唔夠火唔墜手，甚至要騎先肯走，頂多七成馬。
「金運齊來」戴頭罩由黃寶妮跳兩段，沿中檔走神情專注，馬身已做得好靚，力度唔錯走勢爽朗，進度理想。「凱旋王者」戴頭罩由助手跳兩段，雖然遲轉腳，但步伐穩健勁度充足，神色火氣都唔差，外觀亦討好。
「共創歡欣」戴頭罩由班德禮拍「閃電武士」跳一段，領先扣住等廄侶追上，捉到緊之下又搶口，馬身仲係肥肥哋，初起階段。「錶之星河」戴頭罩由田泰安跳兩段，貼住內檔走健步如飛，神態軒昂現朝氣，馬身茁壯紮實，近況極佳。
「超勁赤兔」戴眼罩及頭罩由潘明輝跳兩段，罕見要騎，仲要反應好普通，未見強力衝刺，懶性甚重非最佳時。「知恩圖報」戴頭罩由楊明綸拍伴跳馬跳兩段，騎落尚算肯走，終點前拋甩伴跳馬，火力可以，可是毛色都係淡淡哋。
「金金小子」戴頭罩由艾兆禮跳兩段，躍躍欲試好火好力，艾兆禮要小心翼翼操控，皮光肉滑身好壯，非常勇銳。
兆文
