內圈捕影│「天天同樂」步挺開揚
更新時間：15:40 2025-09-03 HKT
發佈時間：15:40 2025-09-03 HKT
發佈時間：15:40 2025-09-03 HKT
字體大小
今晨在內圈出試的戰駒不少，甚多勇馬出現，亦因為逆圈關係，不少踱夠兩圈。
「天天同樂」助手踱一圈，淡淡定有朝氣，走勢硬朗步挺開揚，馬身札實神態活潑，操足勇況已備。「健康愉快」助手踱一圈，輕描淡寫完成，神態自若雙耳烱烱，身靚力度充足，老當益壯保養得宜。
「燈胆將軍」助手踱一圈，從容完成整個過程，出腳爽勁貫注力足，雙目有神身靚步爽，持續進步。「嘉應巨昇」助手踱一圈，試來精神爽利，步順輕快有彈力，馬身一早做到好靚，予人煥然一新之感。
辣得準神閒氣定
「勝萬金」助手踱兩圈，神情專注目光如炬，身靚全身都係肌肉，神色活躍火氣充裕，打仔馬長期呈勇。「辣得準」助手踱一圈，愈見收斂，試來神閒氣定，跑姿順暢落腳輕巧，馬身亦收得壯，進度理想。
「高感」助手踱一圈，氣宇軒昂試得淡定，馬身好靚好實淨，毛色愈見悅目有光澤，保持上佳進度。「林寶精神」助手踱一圈，大大步輕鬆完成，步順爽勁神態暢旺，朝氣勃勃力度貫注，愈來愈吸引。
「夢幻駿駒」助手踱兩圈，小心按實順走，身色俱吸引，過步輕爽力度亦夠，展現朝氣近況好對辦。「快樂老撾」助手踱一圈，全程岳高頭走好神氣，馬身壯健唔瘦，埋門力度不斷增強，早前試閘又好。
謝鋒
最Hit
「遲都遲了」美女學生開學遲到爆紅 全城起底讀星級中學年學費X萬 被勸原地出道
2025-09-02 17:25 HKT
愛回家丨葉蒨文終「被離家」？與曾展望結婚全程零現身 結局遭網民狠批：佢哋冇離巢
2025-09-02 20:00 HKT
