星級大搜查丨明星齊「走膠」！宣萱因「熱氣球」震撼教育棄膠袋 林景程首選尼龍環保袋
發佈時間：08:00 2025-10-06 HKT
近年都市人越來越注重環保，很多市民自發養成使用環保袋的習慣。今集《星級大搜查》便來搜查一眾明星使用環保袋的習慣。多位藝人分享了他們何時開始使用環保袋、如何挑選環保袋，其中視后宣萱更指，原來多年前《萬凰之王》的熱氣球場口，正是她決心轉用環保袋的契機。
宣萱「熱氣球」震撼教育成環保份子
宣萱憶述在拍攝TVB劇集時，因拍攝熱氣球升空場面要升到高空中，她無意中看到堆填區的驚人景象。宣萱表示：「佢升咗上去之後，我見到堆填區嗰啲垃圾我真係入咗個腦，嗰啲垃圾係多得好緊要！我嗰刻我真係覺得『嘩，唔得，我要做啲嘢』，咁我就開始覺得真係要用多啲環保袋，唔好用膠袋。」正是這次的震撼經歷，讓她意識到環保的迫切性，決心從自身做起，堅持使用環保袋，為保護地球出一分力。
相關閱讀：星級大搜查丨解構明星旅遊新趨勢！越南勢成星級熱點？ MC自爆「唔睇預算」 阿Sa封外遊最豪爽
藝人因「一蚊」轉用環保袋
除了宣萱，《星級大搜查》亦訪問了多位藝人，分享他們對環保袋的看法。出名慳家的孫慧雪表示養成用環保袋習慣是由膠袋徵費開始：「要收一蚊袋……膠袋費嘅時候，我就覺得唔得喇，每月咁樣計，真係小數怕長計。」楊梓瑤也表示：「平時因為嗰啲袋都要錢，咁自己帶住就可以好方便啦，同埋都環保。」陳楨怡說：「就係（膠袋）收錢開始我就用環保袋。」至於黃德斌則指，他早於有垃圾分類時，已開始用環保袋。
相關閱讀：星級大搜查丨明星患「另類強逼症」？ Anson Lo狂用濕紙巾 ViuTV女神唔着襪瞓唔著
環保袋質料各有捧場客
在環保袋的選擇上，實用性是藝人們的首要考量。林景程偏好尼龍物料的環保袋，「佢又輕少少，又可以裝到嘢。」而凌文龍則追求厚實感，他解釋：「對我嚟講，環保袋要厚身，有時我……譬如買啲凍肉，佢好容易會漏水㗎嘛，你就會整到成身濕曬，但厚啲嗰種麻質嘅布呢，佢就冇咁容易滲水。」
馮盈盈則看重便攜性，她分享道：「而家啲環保袋，可以摺到好細，所以經常喺個袋度，隨身攜帶。」莊子璇則關注細節，她表示：「我鍾意一啲粗身啲嘅帶，因為咁樣拎起上嚟，就唔會好痛囉。」
相關閱讀：星級大搜查｜明星揀錶有乜準則？《中聲2》人氣王愛「天價」名錶 兩大娛圈隱藏「錶王」曝光
以下款式環保袋令藝人卻步
儘管以實用為主，但藝人們對環保袋的款式亦有鮮明喜惡。潘靜文斷言不會用有大公仔在外的環保袋，「因為我覺得好唔有型。」顏色也是一大學問，黃德斌坦言：「如果要孭上身嘅，我自己就盡量唔好用粉紅色啦！」陳楨怡亦有同感，表示：「最好唔好紅色啦，太搶眼就唔好喇！」
相關閱讀：星級大搜查丨明星爆趣洗頭秘招大公開 方力申忌𢯎頭Edan講究地心吸力 娟姐：唔洗太乾淨
孫慧雪自封「環保袋收藏達人」
環保袋不僅是日用品，更成為部分藝人的收藏品。孫慧雪自豪地表示：「（環保袋收藏達人）我應該都數一數二，因為我係咩款式、咩size大或細，所有嘅環保袋我都有，我起碼有兩個大紙皮箱咁多。」吳海昕則會收藏偶像的周邊產品：「一啲明星嘅款式，我都會去收藏嘅。譬如我好鍾意韓韶禧啦，我最近有入手咗一個有佢個print嘅環保袋，等大家都知我係佢fans。」陳家樂則對電影特別版環保袋情有獨鍾：「啲首映禮會做好多禮品，好多都會有環保袋，我就好似突然有個興趣，覺得會儲呢啲電影特別版嘅環保袋。」
相關閱讀：星級大搜查丨明星手機充電習慣曝真個性？郭柏妍一習慣顯焦慮個性 張振朗「借電」維生
