星級大搜查｜明星「慳家開冷氣大法」逐個睇！ BabyJohn電費從未過千 專家教四招慳電大法
發佈時間：08:00 2025-08-11 HKT
香港天氣持續炎熱，近日更經常下雨，不少人都選擇留在家中嘆冷氣。《星級大搜查》今集訪問多位藝人，分享他們的開冷氣習慣。
《星級大搜查》今集訪問多位藝人，邀請他們分享自家開冷氣習慣，發現原來不少藝人都非常「慳家」。蔡瀚億（BabyJohn）指，近日每日氣溫超過30度，但他在家中每日只開3至4小時冷氣，「朝頭早晏晝就盡量開風扇，雖然有時都濕晒㗎啦個身，但可能真係出晒汗咪淋個凍水涼。」他指自己每天早上一離開睡房便會關冷氣，「 去到夜晚，可能講緊開嘅時間大概係4個鐘。」而且他大部時間都冷氣調至最小，「因為涼了一段時間，我就會開始覺得凍，跟住我就會開25度左右，去到最細風，一格風咁。」笑言自己與太太同住後，電費從未高於四位數字。
劉佩玥媽媽勁慳家：亂開冷氣會鬧
TVB花旦劉佩玥對於開冷氣亦相當節儉，她說：「我屋企係一個節儉啲嘅屋企嚟！即係亂咁開冷氣，媽咪係會鬧我。」她笑言因為媽媽本身非常慳家，令她的父親都不敢亂開冷氣，「媽媽真係好節儉，可能會開多啲風扇，如果我熱嘅時候通常係會唔郁，等啲風自己飄過嚟。」
另一位慳家代表則是蘇皓兒，她指自己有獨門「焗冷氣」大法。她說：「我自己通常夜晚瞓覺就會開冷氣，朝早起身之後我就會暫時唔開窗，焗下啲冷氣，喺間屋一至兩個鐘，都夠時間畀我化妝、食早餐，跟住出門口，咁就可以早啲熄冷氣。」而高海寧冷氣開得節儉，並非為慳電，而是為養生，她說：「其實我係一個唔係太鍾意開冷氣嘅人嚟，我鍾意吹自然風，我開唔凍㗎，開24至25度，同埋要好細風，我唔鍾意吹冷氣嘅風。」
關楓馨為寵物狂開冷氣
有人開冷氣非常節儉，亦有不少人為家人和寵物，在電費上付出「代價」。向來喜歡狗的關楓馨表示自己開冷氣多數為家中狗狗，她說：「坦白講呢 如果我喺屋企嘅話，我係一定要開冷氣，因為我有5隻狗，就算冷氣唔係開畀我自己，我都一定要開畀我啲狗。」而育有一子的袁偉豪則為兒子而捱貴電費，他說：「我諗上午10點後開始其實都要開冷氣，即係喺個廳嘅位置，因為小朋友身體衡溫系統未係建立得咁好，佢哋好容易出汗，好熱會熱親佢哋。」
開冷氣慳電方法：
人人對於開冷氣方法都所不同，但到底有沒有「慳電開法」呢？《星級大搜查》請來香港空調製冷業職工總會成員麥冠枝，為大家提供多個開冷氣的慳電方法。
- 1）選用變頻冷氣機
麥冠枝指，選用變頻冷氣機是最簡單和直接的方法之一，他說：「傳統嘅定頻機，個溫度會時冷時熱，變頻機則維持在正負0.5度，同埋個聲浪都會細好多。」
- 2）調節冷氣溫度在23度或以上
麥冠枝指，調高冷氣溫度都是最直接的慳電方法之一，「後生嘅可能22至23度最舒服，老人家小朋友可能25至26度。」他表示，23度是最適合人體的體感溫度，直言「（溫度）越高越慳電，每調高一度你咪慳到10%（電）。」
- 3）關好門窗及加窗簾
需留意家中的門窗有沒有「漏風」問題，麥冠枝說：「睇下你屋企有冇漏風，或者門窗有冇關得不好，同埋看看窗是不是西斜，可加遮光布或加（一般）窗簾。」他指，家中隔熱好一點，冷氣運作時，壓縮機能早點停下來，亦可做到慳電效果。
- 4）慎選冷氣機匹數
麥冠枝指，香港家用冷氣機一般用80至100匹，他說：「你揀啱冷氣匹數都會比較慳電，因為你個樓面面積同個（冷氣）匹數唔相符都會比較食電。」
你又有沒有開冷氣的慳電大法呢？不妨留言給《星級大搜查》分享！
