蔡天鳳碎屍案｜兩父子燒衣拜祭蔡天鳳 鄺港傑扔掉含青紅蘿蔔、豬骨狀湯渣
發佈時間：12:54 2026-11-13 HKT
28歲名媛蔡天鳳（Abby Choi）2023年2月疑遭殺害後肢解烹屍，蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第37日審訊，鄺港傑憶述案發翌日將涉案私家車帶到洗車店後，他與鄺球前往將軍澳墳場燒衣紙拜祭蔡天鳳，隨後折返單位繼續清理染血浴室，並見廚房有已切開的青蘿蔔及紅蘿蔔，爐上的「兩個煲煲緊嘢」，期間聽見切割聲，惟他「無去find out」煲內裝有什麽物件。他記得於案發日晚掉垃圾時，「留意到有啲湯渣咁嘅嘢，青紅蘿蔔，有啲類似豬骨咁嘅嘢，我形容為嗰啲湯渣」。
翌日隨鄺球到將軍澳墳場燒衣拜祭蔡天鳳
鄺港傑透露，在案發翌日、即2月22日上午離開龍尾村單位並送鄺蔡兒子上學後，他仍感到「仲係好不安，對於架車」，因此他電話聯絡每月慣常會去的深水埗洗車店「問朝頭早有無時間幫我做一個洗車嘅服務」，清洗涉案車輛AA七人車。其後在洗車期間，鄺港傑接獲鄺球的來電，鄺球得知他在洗車時「佢話佢嚟搵一搵我」，及後父子二人在深水埗會面。
鄺港傑憶述，當他登上鄺球駕駛的VY七人車後，發現「有幾大袋拜祭嘅衣紙」，形容衣紙是「好大包嗰啲」，隨後鄺球提議「我哋去拜祭一下，我就跟車去咗將軍澳嘅墳場度拜祭」，當時亦有燒衣紙。鄺港傑解釋「燒嗰啲衣紙，通常如果有啲先人或者人死咗，就會燒呢啲衣紙去拜祭」。儘管父子二人當時沒有直接指出拜祭何人，惟鄺港傑稱「我認為係Abby」，補充「燒俾佢囉、燒衣紙」，因為「係個傳統嚟，中國人有人過咗身就拜祭，去憑弔」。拜祭結束後，鄺港傑回洗車店取車接母親去學校接鄺蔡女兒放學。
再返涉案單位「又見到刀」「漫無目的咁抹」
鄺港傑回想，鄺球於當晚8時左右接他回龍尾村單位，鄺港傑直言「我意識到佢係想我幫一幫佢」。父子二人在9時許抵達單位後，鄺港傑稱「我又係入咗廁所，又係見到啲刀，我又係一樣咁喺度抹吖，漫無目的咁抹，留喺個廁所入邊」，他強調自從在睡房牆上鋪滿帆布後，他沒有再進入過睡房，而且她「從來無親眼目擊過任何Abby嘅屍首同殘肢嘅嘢」。
見廚房有青紅蘿蔔及「兩個煲煲緊嘢」
鄺港傑供稱，他曾目睹廚房內「有兩個煲煲緊嘢」，形容兩個湯煲安置「喺個爐上面」，煲上有蓋煲蓋，惟他「無去find out」煲內裝有什麽物件。鄺港傑另提及，他在廚房的鋅盤隔籬發現青蘿蔔及紅蘿蔔，部分已被切開，惟他從沒有購買過青紅蘿蔔。期間他目睹鄺球「都係喺廚房同睡房之間來回，都係有聽到切割嘅聲音」，惟強調從來沒有聽到電鋸聲。鄺港傑於當晚將近12時離開，在單位逗留期間沒有與鄺球對話。鄺港傑直言，當日不知道鄺港智的去向「嗰時個狀態我自己都理唔到，理唔到其他人，唔得閒諗佢，我冇時間去關心呢啲嘢」。
相關新聞：鄺港傑穿雨褸戴手套清洗染血企缸與「器具」 聞切割聲流淚渡長夜
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，但承認阻止合法埋葬屍體罪。
本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴偉奧(Oliver Davies)代表，鄺港智由大律師安華暉(Andrew Raffell) 代表。
案件編號：HCCC198/2025
法庭記者：黃巧兒
