蔡天鳳碎屍案｜鄺港傑穿雨褸戴手套清洗染血企缸與「器具」 聞切割聲流淚渡長夜
發佈時間：12:27 2026-11-13 HKT
28歲名媛蔡天鳳（Abby Choi）2023年2月疑遭殺害後肢解烹屍，蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第37日審訊，鄺港傑續出庭作供稱，鄺球在蔡天鳳遇害後，指示他穿上雨褸、雨靴及手套清潔浴室的企缸，鄺港傑因而目睹「有少少類似血跡係個企缸嗰地下到」，浴室內的膠箱裝有兩把刀具「有啲水浸住」且「刀上面都有少少血跡」。鄺港傑直指聽到「一啲切割嘅聲音」後「我自己喺到喊」，並形容「嗰晚好漫長」。
見兩把刀於膠箱內浸於水中
鄺港傑昨供稱，鄺港智於2023年2月21日下午在車上殺害蔡天鳳後，鄺球用被鋪將她包裹後塞入透明膠箱，隨後將膠箱搬入龍尾村單位。鄺港傑一度離開單位後，在晚上10時許折返，見睡房地上鋪滿藍白間條帆布，地上有個帳篷、電鋸及透明膠箱，電鋸的刀片上有少量血跡，透明膠箱裏包裹物體的被鋪滲血，其後鄺球將透明膠箱拖出客廳，並吩咐鄺港傑用膠紙將帆布貼在睡房的牆上。
鄺港傑今憶述，他貼好帆布後「爸爸就推返嗰膠箱入去bedroom」，其後鄺球虛掩睡房房門，鄺港傑未能從門罅看到睡房內的情況。鄺港傑透露，隨後他「去咗洗手間，因為啱啱黐完啲帆布，我去洗手，同埋去洗手間」。惟他在洗手間內的企缸位置「見到有嗰箱」，箱子裝有「兩把刀具」，而該膠箱是由他購買的。庭上展示照片，顯示膠箱裝有電鋸、切割工具及鐵盤，鄺港傑直言，他見到膠箱時「無呢啲工具」，只見兩把刀具在膠箱中「有啲水浸住」。
奉父命穿雨褸雨靴戴手套洗企缸與「器具」
鄺港傑透露，他另在浴室發現「掛衫嗰到有件雨褸咁嘅嘢，同埋有一對雨靴」，隨後鄺球從睡房行出來「佢叫我洗一洗啲器具，同埋企缸嗰area」。鄺港傑提及，他在「見到有少少類似血跡係個企缸嗰地下到，嗰刀上面都有少少血跡」。當時鄺球提醒他「要著一著雨褸，同埋著埋嗰靴」，而且客廳的桌子上有手套「佢叫我戴埋啲手套，然後我就留喺個厠所入面用水洗嗰地方」，他直言「我唔敢出嚟，我留係嗰厠所入面」，惟他沒有關上浴室門，因此從罅隙中「見到爸爸喺房同厨房之間來回走動」。
聞切割聲獨留廁所流淚渡長夜
鄺港傑表示，他見到鄺球手提「水桶咁嘢嘅，係呢段期間，我有聽到一啲切割嘅聲音，有喺房又有，喺厨房都有」，惟並非「用電鋸嘅聲音，係普通用刀嘅聲音」。鄺港傑直言，他「成晚留咗喺廁所入面，我都唔夠膽出嚟」，而且當晚他完全沒有睡覺「我係廁所入面一路洗，我聽到切割聲嘅時候我自己喺度喊」，並形容「我記得嗰晚好漫長」，全晚沒有與鄺球有任何交流。翌日，他於上午6時許乘坐由鄺球駕駛的VY七人車離開單位，因他需要負責接送鄺蔡兒子上學。
鄺港傑透露，蔡天鳳失蹤當日晚上7時至10時左右，譚方駿致電鄺港傑詢問蔡天鳳的去向，鄺港傑回應「晏晝放低咗Abby喺大埔，就唔知佢下落啦，唔知佢去咗邊」。隨後蔡母張燕花亦於晚上11時許致電予鄺港傑詢問蔡天鳳的去向，鄺港傑回應相同的答案。辯方提及，張燕花作供時稱，鄺港傑回應指蔡天鳳與友人飲酒，鄺港傑否認指「完全冇講過呢個內容」，補充道「我都幾了解Abby㗎，佢完全唔會去飲酒飲嘢」。約半小時後，張燕花再致電鄺港傑，鄺港傑直言「我嗰時好想逃避呢件事」，因此告知張「我要瞓覺啦，聽日仲要返工呀，我要瞓覺啦，我要收線，聽日再講啦」。而同日晚上鄺港傑與鄺港智有電話聯絡，他案發翌日上午前往加多利山接送鄺蔡兒子上學時，沒有在加多利山見到鄺港智。
相關新聞：兩父子燒衣拜祭蔡天鳳 鄺港傑扔掉含青紅蘿蔔、豬骨狀湯渣
鄺球三父子被控謀殺蔡天鳳
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，但承認阻止合法埋葬屍體罪。
本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴偉奧(Oliver Davies)代表，鄺港智由大律師安華暉(Andrew Raffell) 代表。
案件編號：HCCC198/2025
法庭記者：黃巧兒
