蔡天鳳碎屍案｜辯方指鄺球出資一半購加多利山豪宅 蔡母：咁講同殺人有咩分別
發佈時間：16:11 2026-10-08 HKT
28歲名媛蔡天鳳（Abby Choi）2023年2月疑遭殺害後碎屍肢解，蔡天鳳前夫鄺港智、前家翁鄺球、前夫兄長鄺港傑被控謀殺及阻止合法埋葬屍體罪。案件第12日審訊，張燕花供稱蔡天鳳每月的支出大約26萬元，當中包括支付前家婆李瑞香每月5萬元，強調蔡天鳳「唔係好大使，真係俾呢個畜生（鄺家）多」，直斥「班畜生貪得無厭」。辯方指，鄺球離任警察後到內地發展賺錢，出資一半予蔡天鳳購入加多利山豪宅，張燕花否認並指：「咁同殺人有咩分別，億幾全部買咗呢層樓，有證有據，啲錢阿囡俾」。
蔡母稱蔡天鳳每月使費26萬 包括付李瑞香人工5萬元
張燕花續在盤問下透露，蔡天鳳每月的開支大約26萬元，包括支付「加多利山家庭、細路仔、俾錢買餸」等，亦要支付司機、女傭及管理費，張燕花表示「所有嘅嘢都係阿囡交」，相反鄺家則沒有負擔生活開支，更指蔡天鳳每月需支付「李瑞香5萬蚊人工」。辯方質疑，蔡天鳳的妹妹到海外留學的費用亦是由蔡天鳳支付，張燕花即反駁「無，無，唔好冤枉蔡生（丈夫）」，強調是由丈夫蔡楚生支付女兒的學費，稱「爸爸（蔡楚生）寄（錢）嚟屋企，俾細路仔讀書」。
辯方關注，蔡天鳳的生活奢華時，張燕花否認道「佢（蔡天鳳）自己都唔係好大使，真係俾呢個畜生多，你問鄺港智攞幾多啦，鄺球話做生意，啲錢唔知攞去邊」。辯方提及，蔡天鳳自己出資搭飛機去法國時裝周，更坐頭等艙及住昂貴酒店，張燕花指「阿駿（譚方駿）爸爸媽媽好錫（蔡天鳳）」，又指「阿駿好好人，好愛惜姐姐（蔡天鳳）」，反而鄺家「班畜生貪得無厭」。
相關新聞：蔡母認丈夫欠巨債仍養鄺家 指鄺家是吸血鬼
譚方駿曾借500萬元賭博輸光
辯方質疑，譚方駿十分好賭，蔡天鳳與譚方駿於2021年中到澳門賭錢，張燕花指「我感覺都係玩下姐」。張燕花明言「唔係Abby賭」，並知道譚方駿當時借款500萬元並輸光，但及後「譚爸爸還咗」。辯方提及，譚方駿借貸時的擔保人是蔡天鳳時，張燕花強調「個結果係譚爸爸還咗」。辯方指出，二人從澳門返港後未能償還500萬元債務，譚家因此遭財務公司追債及騷擾。張燕花不同意，指「賭場執咗笠，唔知還俾邊個」。
辯方續稱，當財務公司騷擾譚家時，譚澤均向兒子譚方駿詢問後得知欠債，因此接觸鄺球，認為鄺球是前警長，能有關係解決事情，張燕花表示「唔知道」。辯方提及，鄺球因譚方駿欠債的事宜亦失去金錢，張燕花不同意「譚老爺話鄺球揾佢借錢」，不知道最後要支付600萬元還債，只知道「譚老爺話還咗，親口話呢個錢係幫阿駿還」。
鄺家裝Wi-Fi亦是蔡天鳳付費
辯方重提蔡天鳳為了節省900多萬元印花稅，亦把加多利山單位登記在鄺球名下，另出於方便而把海南物業登記在鄺球名下，質疑為何蔡天鳳不把物業登記在張燕花名下。張燕花指：「一直都係咁，大家商量好，用來投資」，「又唔係俾我嘅，寫我名做咩」。
辯方指，蔡天鳳為避免繳付900多萬元印花稅，以鄺球名義買樓屬犯法行為，鄺球及蔡天鳳均可能干犯刑事罪行及被檢控。張燕花指「阿囡信任佢」。辯方指出，蔡天鳳從來沒有向鄺球支付任何金錢，張燕花激動地說：「嘩，我唔同意，咩都話無，鄺港傑借幾多錢又話無」，又指鄺家「屋企裝Wi-Fi都未出過，全家都（由蔡天鳳）出糧俾錢照顧」。
蔡母稱鄺球無本事買加多利山
辯方指，鄺球離任警察後到內地發展賺錢，出資一半予蔡天鳳購入加多利山單位，張燕花反對並指：「咁同殺人有咩分別，億幾全部買咗呢層樓，有證有據，啲錢阿囡俾」。張燕花反問，若「層樓係鄺球嘅，點解要寫售樓授權書」，「鄺球買咁多嘢，全部都係阿囡俾錢，佢無本事嘅」。
辯方指，鄺球可在任何時候取消售樓授權書，若鄺球同意加多利山單位轉名時其實只是易事。張燕花指蔡天鳳計劃「賣樓3個月，賣唔出就轉名，全家都知道」，但「轉名要洗幾百萬，不如平啲賣俾人」。張燕花不同意勞斯萊斯及黑色七人車屬於鄺球的說法，表明當時價值百多萬元的黑色七人車，30萬便賣掉，只想盡快收回在鄺球名下但屬於蔡天鳳的資產。
辯方稱譚方駿無「幾個億」付蔡天鳳
辯方引述張燕花及蔡天鳳母女的微訊對話，張燕花曾稱「你說得對，我憑良心說，他爸就是省了，別人以為他爸很有錢，他爸就是說阿駿花了好多錢了，他爸還是有一些錢的，沒有幾個億還是有的」。辯方指根據母女微訊對話，譚方駿父親譚澤均「沒有幾個億」，何以給蔡天鳳3億元，張燕花回應指：「我哋傾下偈咋嘛，我點知有幾多錢啫，搞笑，搞笑咋嘛」。
辯方最後強調，鄺球從來不是的士司機，鄺球離任警察後到內地發展賺錢，曾出資一半予蔡天鳳購入加多利山單位，而鄺球從無打過蔡天鳳，蔡天鳳只從譚家收到8000萬元而非3億元，張燕花丈夫蔡楚生經常欠錢借貸，聲稱屬於蔡天鳳的勞斯萊斯及黑色七人車實質屬於鄺球，蔡天鳳報名投資課程後其實沒有上課。張燕花全不同意並作出反駁。
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。
本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴奧偉(Oliver Davies)代表，鄺港智由大律師安華暉(Andrew Raffell) 代表。
案件編號：HCCC198/2025
法庭記者：劉曉曦 黃巧兒
