文具佬中環店8月底結業！苦呻租金貴+業主拒續租清貨期滿額享8折暫不考慮同區再開分店：今次真係有啲唔捨得

文具佬中環店8月底結業！苦呻租金貴+業主拒續租清貨期滿額享8折同區暫不再開分店：今次真係有啲唔捨得

更新時間：15:13 2025-08-13 HKT
發佈時間：15:13 2025-08-13 HKT

近年香港結業潮不斷，主打各式精美文具及雜貨的文具佬向來深受港人歡迎，近年更引入日本人氣CHIIKAWA精品掀起一陣搶購潮，惟近日店方宣布中環店將於8月底結業，更於社交平台發文苦呻租金壓力沉重，形容今次是第二次有位於中環的分店結業，業主更拒絕向他們續租，未來暫不考慮同區再開分店，「今次要講再見，真係有啲唔捨得。」

文具佬中環店8月底結業！苦呻租金貴+業主拒續租暫不考慮同區再開分店

文具佬中環店深受該區上班族及街坊支持，惟近日店方宣佈該店將於8月底結業。店方在社交平台發文，提到中環為香港心臟地帶，租金一向「貴到離譜」，業主不是加租就是不續租，中環店於2年前曾因業主加租而結業，最後業主找不到新租客，「直接租咗俾散貨場，場景都幾唏噓」。而今次則是文具佬第2次的中環分店結業，原因是業主拒絕續租，「業主直頭不考慮續租俾我哋。」

店方考慮到目前市道加上租金壓力，所以暫不考慮於同區開分店，每次兩年合約結束後又需要花錢裝修，「條數計唔掂」。該區不少上班族及街坊都是文具佬的熟客，「甚至成個寫字樓嘅文具都係我哋舖頭度買」，今次再次告別中環，店方坦言：「真係有啲唔捨得」。清貨結業期間，凡於中環店買滿$100可享9折，滿$200享8折。

網民不捨：又少咗個lunch後可以去嘅地方

對於文具佬中環店即將結業，有附近上班的網民表示不捨，「又少咗個lunch後可以去嘅地方」、「次次去中環會喺香港站出，就會經過呢間舖，每次會入去看看又買吓東西」。有街坊感謝文具佬於過去5年的陪伴，「在回家路上多了點樂趣多了點色彩」。有客人分享每天食飯後到文具佬購物是每天的樂趣，「冇咗真係好大鑊」，店方笑指會否選擇多行幾步，「行到去上環呀？」；有網民問起會否打算於附近重開，店方回應不敢再開，「怕怕，唔敢再喺附近搵第三次分店」。

文:RY

資料及圖片來源: 文具佬生活百貨 Stationery Lo@Facebook