全港學界七人欖球賽|喇沙力剋筏可成功衛冕盃賽冠軍 港大同學會書院力剋馮堯敬中學封后
發佈時間:21:15 2026-11-22 HKT
「全港中學校際七人欖球比賽」決賽日周日在啟德青年運動場上演,決出男子甲組(Division 1、2)和女子高級組的盃碟賽冠軍,最終男子甲組D1由喇沙書院尾段10:7絕殺佛教筏可紀念中學再度封王,女子高級組則由港大同學會書院25:22力剋香港中國婦女會馮堯敬紀念中學,奪得自2023-24學年「港九區」和「新界區」合併後首冠。
喇沙絕殺筏可成功衛冕盃賽冠軍
上屆男子甲組盃賽冠軍喇沙書院在四強對上拔萃男書院有驚無險地以12:7再度殺入決賽,對上以19:12擊敗港青基信書院的佛教筏可紀念中學。然而這支衛冕之師開局便受到挑戰,筏可率先得分加上加踢命中下落後0:7,但喇沙隨後加強防守,筏可一直難以再有得分,之後更被喇沙成功達陣追成5:7,之後雙方一直膠著,直到最後時刻喇沙成功突破,陳𤋮弦一次達陣以10:7絕殺筏可,成功衛冕。
隊長黃文澤賽後接受訪問提到今場比起以往的比賽更為刺激,因為是一場絕殺的勝利,他說:「雖然陣容上我哋少咗個好勁嘅翼鋒,但係我哋以喇沙精神『Never Say Die』,無論落後幾多都會抬起頭唔認輸。」他亦指出:「開賽前我哋其實冇乜信心,但係我好感激我嘅隊友們,佢哋每一位嘅付出都至關重要。」作為中六生的黃文澤也表示今個冠軍的意義是「獨一無二」。
副隊長黃彥畯也表示今年賽制改成D1、D2後難度更高,每一場都是強強對壘但仍頂住壓力奪冠:「今年小組賽一啲都唔輕鬆,因為同組全部都係D1強隊,我哋冇任何對相對較弱嘅隊伍可以用作建立信心,所以一開始我哋就必須全力以赴。最終我哋成功上演逆轉勝,呢種感覺真係非常好。」
港大同學會書院力剋馮堯敬中學封后
而女子高級組盃賽方面,香港中國婦女會馮堯敬紀念中學在四強以17:5挫拔萃女書院,與以22:17挫啟思中學的港大同學會書院會師決賽。雙方曾在小組賽中交手,港大同學會書院以7:22落敗,然而今場戰況反轉,港大同學會書院更佔主導,上半場便打成20:5的巨大優勢,但馮堯敬紀念中學亦並未投降,更在接連得分下將港大同學會書院的領先優勢收窄成20:17相差三分,但最終港大同學會書院亦頂住對手反撲以25:22力剋馮堯敬封后,亦是自2023-24學年「港九區」和「新界區」合併後第一次奪冠。
港大同學會書院隊長蔡卓豈,她提到球隊在八強以17:10力壓另一支勁旅港青基信書院殺入四強,之後過關斬將才成功奪冠,因此覺得很開心。提到成功復仇的,她指因為那一場一位主力受傷所以不幸落敗,但今場在她復出和知道只差一步可以奪冠所以也出盡全力去打。她也表示:「真係好興奮!因為我哋之前都打輸過畀佢哋啦,個比數都唔係差好近啦,咁所以其實我哋可能信心都冇咁大。但不過我哋知我哋中六嘅學生可能都係最後一場,亦都係知如果我哋贏埋呢場我哋就可以攞冠軍,咁我哋就博晒落去啦!跟住最後就喺呢個差好少咁贏咗佢哋。」
到尾段港大同學會書院險遭反勝,但最終亦成功頂住對手反撲。提到如何面對當時的情況,蔡卓豈則指球隊增加了溝通,並不會指責隊友的過錯,當重新開始去重新振作。中六的她能一圓冠軍夢也表示相當開心:「因為可能最上次打入決賽都係中三嘅時候,但亦都係輸咗。即係今年係我中學生涯第一年攞冠軍,亦都係我最後一場,所以我真係好開心。」
盃賽決賽結果:
男子甲組D1
冠軍:喇沙書院
亞軍:佛教茷可紀念中學
季軍:拔萃男書院
殿軍:港青基信書院
男子甲組D2
冠軍:林大輝中學
亞軍:英華書院
季軍:萬鈞伯裘書院
殿軍:基督教香港信義會宏信書院
女子高級組
冠軍:港大同學會書院
亞軍:香港中國婦女會馮堯敬紀念中學
季軍:拔萃女書院
殿軍:啓思中學
記者/攝影:魏國謙

















