世中運｜38人香港中學生代表團征戰世中運 香港首派代表出戰沙灘排球項目
發佈時間：20:41 2026-11-10 HKT
「第二十一屆世界中學生運動會」將於今年12月3至8日在巴西里約熱內盧舉行，中國香港學界體育聯會今日（10日）在拔萃男書院舉行授旗儀式，並邀請到文化體育及旅遊局局長羅淑佩出席主禮，今屆更是香港首次派代表出戰沙灘排球項目。
文體旅遊局局長羅淑佩授旗予世中運香港代表團
今屆世中運是香港第四屆派出代表參加，共派出38名男女子運動員出戰田徑和沙灘排球兩個項目，其中沙灘排球更是首次派出香港中學生代表出戰。在活動中由文體旅遊局局長羅淑佩將香港區旗授予中國香港學界體育聯會董事會主席吳俊雄校長、代表團團長呂恒森校長以及學生運動員代表。
羅局長在致辭時表示在場刊中看見不少以往參加過世中運的健兒，在剛結束的名古屋亞運中亮相並交出亮眼表現如游泳的馬紫玲，突顯出香港人才輩出和薪火相傳的最好實證，她亦寄語健兒們：「希望各位學生運動員藉著比賽累積寶貴嘅實戰經驗。面對海內外嘅對手，有啲可能高大過你哋好多，可能有啲孔武有力、大隻過你哋好多。你哋對住佢哋嘅時候，能夠展現出堅毅嘅精神、永不言敗嘅精神，沉著應戰、全力以赴。」
香港首派中學生沙灘排球代表
即將代表香港中學生代表首次出戰世中運沙排的男子隊代表陳霈霖和女子隊代表葉焯茵活動後受訪，二人對於首次出國比賽亦感到興奮，陳霈霖表示：「好開心同榮幸可以派我哋出去比賽，我覺得係對我呢項運動嘅發展好重要，我哋都有好努力練習，希望到時去到面對更高大更強嘅對手，可以發揮到自己嘅特色同水準。」而葉焯茵則認為：「好開心可以第一次出去打呢個世界級嘅比賽，因為平時都係比較多打本地同大陸嘅比賽，所以今次係一個好好嘅機會俾我哋睇吓更多唔同地方嘅運動員，亦都可以令我哋提升個人嘅技術。」
提到在備戰上二人表示因暫時未知對賽對手和參賽隊伍，所以都未有定立太多目標，陳霈霖提到在準備上為了適應高強度的比賽和炎熱的天氣因此加強了體能訓練：「因為可能要適應嗰邊嘅高強度比賽同熱嘅天氣。我哋依家高強度嘅訓練就可以提升我哋身體質素同條件，盡力用體能去贏返對方嘅身體質素差距。」而葉焯茵則認為除了體能上心態亦相當重要：「我覺得心態都好緊要，除咗我哋身體條件冇人哋咁高大之外，心態上我都希望可以比人哋更加平穩去贏。」她也指今次賽制上容許有三位運動員，所以可以在適當時候換人，戰術上可能也會更好。
記者/攝影：魏國謙
