澳門格蘭披治大賽車｜方駿宇轉投前宿敵歐陽若曦車隊 夥拍四屆澳門GT盃冠軍晏高征戰東望洋
發佈時間：18:55 2026-11-09 HKT
「第73屆澳門格蘭披治大賽車」將於本月19-22日盛大舉行，今日（9日）由本港前車手擔任車隊總監的歐陽若曦(Darryl)的Craft Bamboo Racing(CRB)在珠海國際賽車場舉行記者發佈會，由四奪澳門GT盃冠軍的德國車手晏高(Maro Engel)，夥拍本地車手方駿宇(Adderly)出戰今年GT盃賽事，提到與宿敵區陽若曦合作，方駿宇笑指才剛在社交平台解封鎖對方。
歐陽若曦全力專注車隊幕後工作
上屆澳門格蘭披治大賽車因為賽制有變，導致參賽成本大漲平治決定不派車隊出戰GT盃，而作為廠隊的CRB亦因此缺席去年的GT賽事。相隔一年平治重回東望洋賽道，擔任CRB車隊總監的Darryl在發佈會中亦對重奪冠軍有信心：「我哋返得嚟就一定有信心奪冠，上年我哋冇參賽啦，今年花咗好多時間同心力去準備，我哋車隊同車手都好有經驗，所以今次都係一個好大嘅機會去衝擊冠軍。」
Darryl在完成去年澳門格蘭披治大賽車的賽事後結束多年的車手生涯，全力投身在車隊管理上，被問重回故地有沒有「手痕」時，他則笑言暫時並沒有，並指現在更專注於車隊的工作上，也有更多時間陪伴家人，而談及和Adderly的合作，Darryl則指：「我同佢之前係對手啦，但係今次同佢合作我俾一部最好嘅車佢，俾佢跑好嘅成績，而一個香港車隊、用香港車手、有香港嘅贊助，我認為呢個係一個好好嘅組合去跑呢個GT世界盃。」
全新《頭文字D》和布甸狗拉花
今年CRB亦和本地模型車品牌Tarmac合作推出全新車身拉花，由德國名將晏高駕駛的77號戰車拉花設計致敬經典賽車漫畫《頭文字D》角色高橋涼介的FD3S，而方駿宇的76號戰車將會披上由Sanrio人色角色布甸狗為主角的特色拉花。今年重回東望洋曾四奪GT盃冠軍的晏高對於重回福地亦感興奮：「好開心可以再和CBR、Darryl合作，我們在2022年曾合作奪得冠軍，如果今年可以再次重現那一刻便會很好，澳門對我而言一直特別的地方，能深刻感受到車迷們的支持，我們會盡全力贏得錦標。」
方駿宇與區陽若曦由宿敵變合作
今屆迎來第13屆澳門格蘭披治大賽車的香港車手方駿宇今年轉投由Darrly領軍的CBR，提到由前宿敵到現在合作他則笑說：「都幾搞笑架，因為細個嘅時候大家係對手都賽到唔同對方講嘢，甚至乎我有幾個社交平台都封鎖咗佢，到加入咗佢車隊先解封鎖做返朋友。」他補充指：「可能細個性格火爆啲，好多時會好介意，到近年好多朋友都話賽車冇敵人，Darryl係一個好好嘅車手同埋車隊經理，佢領軍嘅車隊都好有競爭力，咁啱贊助商都想試平治嘅車所以就有今次合作。」
提到今年的目標，Adderly坦言今年勁敵林立，因此以10和做出較快的時間為主要目標：「今次我覺得係準備最充足嘅一年，因為今年參加咗大大小小多場比賽，亦有做更多嘅訓練去適應更長嘅駕駛，之前都因為放鬆咗所以體重重咗啦，依家都減咗10kg附合今年個車手最低重量唔需要額外增重，再加上CBR嘅車基本上係一架廠車，所以今年都冇乜籍口。」提到今年的坐駕用布甸狗較為可愛的拉花，Adderly則認為採用這種拉花反而可以培養不同市場如小朋友、女士等對賽車的興趣，除了開以有更多人接觸賽車外也可以增加贊助商收入去開發和車手的支持。
記者/攝影：魏國謙
