全運會｜港隊花劍男團決賽45:34擊敗福建奪金 4子將勝利歸功於團隊和觀眾支持

更新時間：22:32 2025-11-19 HKT
發佈時間：22:32 2025-11-19 HKT

全運會男子花劍團體賽，港隊由張家朗、蔡俊彥、梁千雨及吳諾弘，對上有今屆花劍冠軍許杰帶領的福建。最終港隊以45:34擊敗福建，奪得全運會劍擊歷史性首金。張家朗表示，這面金牌不單是勝利，而是感覺到是團隊一起溝通去做一件事；而蔡俊彥則表示，感謝團隊才可以奪得這面金牌，並感謝各位觀眾支持。

港隊花劍男團歷史性奪金四子感謝觀眾到場打氣

港隊花劍男團今日出戰全運會決賽對上福建，最終以45:34擊敗福建，摘得港隊在全運會歷史性首金。張家朗賽後表示好高興能夠復仇和奪金，他說：「今次個感覺非常之好，即係個氣氛非常之好，當然喺場上嘅氣氛或者團隊間嘅氣氛，我覺得所有嘢都係好好。個金牌嘅意義唔在於我哋自己贏咗咁簡單，我覺得更加多係我哋有去溝通去一齊做一件事。」

而蔡俊彥亦再一次對上個人賽淘汰他的許杰，對方亦一度拉近比分。對此他表示，賽前已想過要復仇，更特意猜測他在最後一棒會上場但並沒有。他也說今次做了好功課再戰，可惜未能贏他，但下一次一定會贏。他也很感謝有隊友和團隊才可取勝，並特別感謝觀眾，他說：「咁同埋多謝每一位支持我哋嘅現場觀眾同電視機前嘅觀眾，即係好難得囉。我好感恩可能由我開頭做全職運動員，係冇乜人睇好運動員呢個行業，但係到而家係大家都好支持，咁希望大家繼續落去。咁我好感恩喺我嘅生涯可以感受到呢個氣氛。」

而梁千雨和吳諾弘也很感謝觀眾們的打氣，並為他們提供了不少動力。吳諾弘說：「啱啱前面都話今日禮拜三，本身以為今日會唔係好多現場觀眾，但係由第一場打浙江開始，其實個場都好爆啦。跟住我哋喺後臺等緊出場嘅時候，已經係聽到出面嗌到即係嘩好大聲噉，所以嗰下其實我自己內心話我知，佢哋應該都好開心，我哋大家都係，我自己都係好享受有好多現場觀眾支持嘅嗰個感覺。」