全運會｜蔡俊彥接受好友呂爵安Edan非一般訪問兩人互窒過程輕鬆攪笑

更新時間：17:49 2025-11-16 HKT
發佈時間：17:49 2025-11-16 HKT

世界排名第一的蔡俊彥（Ryan）於全運會男子花劍個人賽8強遭福建的許杰淘汰，賽後他接受大學室友兼組合MIRROR成員呂爵安（Edan）的訪問，兩人在訪問中帶點輕挑，互相窒對方，兩人的友情不用言語多講。同時，蔡俊彥在訪問中展現成熟的一面，正如Edan所言「睇到你無乜唔開心放心晒」。

Edan賽後出現送驚喜

蔡俊彥一如以往在訪問後接受傳媒的訪問，當他接受VIU TV訪問時，負責訪問他的記者竟然是其大學室友兼好友，藝人呂爵安。蔡俊彥看到Edan的出現感到意外，並問：「你嚟咗？」Edan回答：「嚟睇你比賽。」蔡俊彥聞言即回應「睇比賽？咁遲」Edan馬上又回敬一句「無諗過你咁快」。雙人互相窒對方，似聚舊多過做訪問，而這種如此直接，不用保留的對話，感情不夠深是做不到的。

Edan蔡俊彥互窒

兩人之後又將話題回到比賽之上，Edan問蔡俊彥有無唔開心，Ryan又乘機窒Edan：「無唔開心。大個咗，唔會因為落敗而失落唔開心，好似你唔會因為走音唔開心。每次都唔開心唔掂。」Edan回應：「你真係大個仔，我以為你會唔開心。」

訪問笑聲中結束

Edan之後求助鏡頭外的同事「有乜嘢問」，場面惹笑。在同事指引之下，Edan嘗試問蔡俊彥主場作賽的感受，以及粉絲為他歡呼打氣的感覺，Ryan又打趣說大部份係Edan的粉絲。最後，蔡俊彥表示會專注於男團比賽全力衝金，但又問Edan：「你嚟唔嚟？」Edan支吾以對，場面攪笑。而這個非一般的訪問在笑聲中結束，Edan雖然趕不及來觀賞Ryan比賽，但賽後這個訪問起碼可為Ryan放鬆心情。