合夥雄心自強不息

更新時間：02:30 2023-09-17 HKT
發佈時間：02:30 2023-09-17 HKT

蔡明紹今季好遲復課，原來暑期他要接受手術，需要時間休養。經過兩次賽事之後，似乎他的狀態仍有待提升，最明顯是策騎「華麗活力」最後左手推騎毫無力度，右手打鞭亦有點隔靴搔癢味道，原本有第三的馬，結果只得梗頸四。
第一場第三班一二○○米泥地：「自強不息」上季中來港，六月四日開上前線，準備絕對唔夠，因為賽前只試了兩課閘，誰不知首戰立即跑得第五，表現極佳。兩周後「自強不息」匆匆再出，唔跑草地改攻泥地，全程跟前守好位，最後僅不敵贏開的「晶晶日上」。第三戰「自強不息」又跑番草地，縱使排外檔未能跟得較前，都仍能再度入Q，證明是一匹泥草雙槍將。煞科戰演出一般，僅僅相隔一周出戰，體重比之前跌了廿一磅，仲要排大外檔形勢不利，落敗當然情有可原。
「自強不息」今季評六十五分起步極具優勢，最近一課閘起步近乎衝閘而出，競賽意欲強勁到不得了。
第四場第四班一四○○米草地：「合夥雄心」起初由蘇偉賢訓練，首季四戰一冠一亞，接住一季第二個回合再交出勝仗，不久後轉到東廄亦很快贏馬，無奈之後未曾再贏，甚至上名不多。上季中又一次轉倉由沈廄接手，練者肯收擺明看好此馬減已多，事實上，轉倉後大有起色，縱使一再出戰短途，仲要排檔不利，依然三番四次交出如狼似虎追勢。
「合夥雄心」上季尾煞科落到四班出戰，終於跑番首本千四並除罩決心出擊，然而霍宏聲發揮極差，原本守好位卻抽住唔走，主動變被動，之後更遇上極慢步速慘痛失手。今次賽前上了從化備戰，是「合夥雄心」加盟沈廄後第一次北上，備戰有心思，在當地更試了兩課閘，實力戰意兼備。