得力寶駒態在勇境
更新時間：02:30 2023-09-16
發佈時間：02:30 2023-09-16
發佈時間：02:30 2023-09-16
字體大小
由於大多參戰馬早前已出跳，故此昨朝進行試跑的馬並不多，幸好尚有希廄撐場。現將所見報道如下：
「嘉應勇士」戴頭罩由助手跳兩段，毛色已經靚番唔再淡色，試來出腳流暢有勁，傷瘉馬在操足之下，狀態漸入佳境。
「峰爭」戴頭罩由田泰安拍「武林至尊」跳兩段，全程唔急唔搶，末段鞍上人一畀指示馬上追上來，過檔希廄之後有顯著改變。
「龍騰飛翔」布文跳兩段，年紀大了再無搶口，然而勁度仍足，出腳步挺開揚有勁，肉身馬未見有肥態，馬身收得好靚。
「幸運遇見」戴頭罩由助手跳一段，試來好淡定無扭擰，馬身又靚毛色有光澤，充滿好感。
中華英雄步大力雄
「中華英雄」戴頭罩由布文跳兩段，伸長馬頸動作一向唔好睇，然而眼見好輕身，落腳步大力雄，最近拍跳時充滿勁度。
「安頌」助手跳一段，有少少汗濕不用太過介意，最重要係有番啖火，試來夠墜手夠勁度，現時已重新振作起來。
「得力寶駒」戴頭罩由賀銘年跳兩段，相隔一周出戰照樣安排快跳，試來神態對辦，馬身收得好靚，現時狀態已在勇境。
「醒目勇駒」戴頭罩由助手跳兩段，急口馬鞍上人一貫要捉到實，試來精神奕奕，出腳步挺有力，比起上仗更省鏡。
「樂天派」戴頭罩由助手跳兩段，神態生猛有火有力，馬身已見收靚，今季狀態來得快。「牛皇頭」戴頭罩由助手跳兩段，大步走過尚算平穩，然而火力都唔太夠，而且馬身偏肥。
「喜悅一生」巫顯東跳兩段，力騎開鞭依然唔太肯走，火力俱弱神色淡，質素平庸。 「紅鬃烈馬」潘明輝跳兩段，擔高頭走唔再頭耷耷，回程時走來步大有勁，態無不妥。
「天外飛天」希威森跳一段，拖住慢試輕舒步頭，馬身收得壯碩，毛色油潤悅目，不過火氣可以再好。「眾歡笑」戴頭罩由助手跳兩段，從容走過神情專注，馬身收得結實唔覺瘦，出腳力度亦不俗，觀感非差。
