梅媽忽然被火化 《東周刊》獨家專訪嬲爆梅啟明 怒轟姪仔等天收：唔係人、冇良心
發佈時間：09:00 2026-09-22 HKT
已故樂壇天后梅艷芳的母親覃美金（梅媽），於8月30日離世。4年前，遭梅媽登報脫離母子關係的長子梅啟明馬上蒲頭，不僅要與姪仔梅柏麟爭辦梅媽的身後事，更聲稱要豪花150萬元幫梅媽風光大葬。
梅啟明要告姪仔謀殺
不過言猶在耳，上周六（19日）梅媽的喪禮已低調舉行，並在大圍富山火葬場進行火化。沒有被通知的梅啟明，事後得知母親已被火化，激動得斥責姪仔：「告佢謀殺！」當晚深夜，他隨即在泰籍女友May May的陪同下，於西灣河碼頭的一間餐廳接受訪問；期間，他怒轟姪仔：「唔係人、冇良心！」並且越鬧越激動，引致身體不適，要call白車送院。
相關閱讀：肥媽句句有骨寸梅啟明入院：祝佢長命百歲 指姪仔幫梅媽火化是最好安排 自己生瘤未走得住
梅啟明情緒失控
梅啟明事後從記者口中得知梅媽已遭火化，隨即情緒失控，語出驚人地向姪仔爆seed：「𠵱家告佢謀殺，佢哋毀滅證據呀嘛！」當晚深夜，他和泰籍女友May May在西灣河碼頭的一間餐廳，接受本刊和頻道的獨家訪問。梅啟明先透露當日曾到過殮房，查問梅媽的遺體是否仍然在內？不過，殮房職員表示因涉及私隱，叫他轉向警員查詢，令他察覺有異。
梅啟明想梅媽重新入葬
同日傍晚，原來梅媽已被火化，梅啟明全程被蒙在鼓裏，他不忿的說︰「想搵番啲骨灰，幫阿媽重新入葬。乜都唔畀我知，冇一個係阿媽親戚，係咪搵啲臨記返嚟做戲？𠵱家毁滅咗阿媽屍體。我今日都仲燒金銀衣紙畀佢安息，但夜晚就話阿媽被火葬，我更加激心！」
梅啟明指被抹黑跟梅媽關係
對於未能送梅媽最後一程，他指是有人扭曲及抹黑自己和梅媽的關係。問及是否想鬧姪仔？他即提高語氣，但越講越激動，兼血壓飆高：「極之想鬧佢，根本呢個都唔係人嚟嘅。阿媽由細教到佢大，但係佢今時今日咁樣嚟對待阿媽，我真係好激心同埋好痛心，呢個人真係冇良心⋯⋯我透唔到氣，講起呢個衰人，我就火滾。」
相關閱讀：梅啟明堅稱冇吼實梅艷芳身家：一分錢都唔要 澄清唔貪錢打官司只為正義 一原因唔肯返長工
想睇最新一期《東周刊》詳細報導，即刻點擊：https://bit.ly/3V1PZru
