名嘴點名三港姐應被褫奪名銜 有人拍艷舞片 斥姓黃女星態度寸：爭XXX一個道歉
發佈時間：17:00 2025-07-12 HKT
網上頻道節目《娛樂好好玩》不時大爆圈中人是非，梁思浩、鄧兆尊、吳家樂在近日的節目中，提到性感DJ樂宜自爆曾與男神歌手做性伴侶，更爆對方只有3分鐘，持久力不足。梁思浩直接點名三位前港姐銜應被褫奪。
討論樂宜講性事
梁思浩、鄧兆尊、吳家樂在節目中，討論樂宜公開講性事，假如調轉性別，男藝人公開講性史，甚至評價自己性伴侶的表現，會否惹來公眾抨擊。梁思浩大數姓馬、姓蔡、姓黃港姐鬧桃色風波。梁思浩表示：「褫奪佢哋香港小姐啦！失禮香港小姐呀大佬！獎品畀咗就算，但係褫奪咗你香港小姐個名銜，以後所有嘢你唔可以再話你係香港小姐。」
相關閱讀：《美女廚房》女星自爆同娛圈男神性伴侶關係 列4大特徵全城瘋估：佢時間太快得3分鐘
徐子珊曾遭雪藏
梁思浩提到徐子珊當年在電台節目談及性事，自爆最理想性愛時間為30至45分鐘，為此觸怒公司高層，有指影響港姐形象遭到雪藏。梁思浩問道：「（徐子珊）跟住就俾人雪藏，咁乜嘢人講咗都唔會俾人雪藏？」吳家樂笑說：「雪唔雪藏好睇人，唔關事。姓馬嘅女仔，姓蔡嘅女仔冇俾人雪藏。」鄧兆尊補充說：「執『貝』殼嗰個呀？」
梁思浩記得$9.9舞衣
吳家樂認為馬姓港姐只是跳舞：「佢唔關事，跳下舞啫。」梁思浩不認同：「跳舞冇問題，我好記得佢件衫，$9.9……冇問題，但你勾引人一pair嘅，就有問題吖嘛。」吳家樂認為片中只見到跳舞，卻見不到勾引，所以不需要褫奪，但黃姓港姐就成立。暗示姓馬的港姐，令人聯想到爆出艷舞片風波的馬賽。
梁思浩不滿搶朋友老公
梁思浩提到姐黃港姐，憤憤不平：「我覺得佢幾寸，佢一直話我咬住佢。喂！佢搞咩人關我鬼事咩？我一直只係得一個論點，唔知你同唔同意，如果假設嗰兩公婆，你完全唔識個老婆，無問題，你唔使同佢道歉，但佢係你朋友嚟㗎嘛，咁你同佢講聲，唔好意思，我攞咗你老公嚟玩。」
梁思浩以為婚後會改善
梁思浩不滿對方的態度：「我仲要嬲佢咩呢？最近啱啱做咗個訪問，我有睇，睇下會唔會改善咗，個人結咗婚，都明白人哋一家人嗰種痛，跟住好笑，個記者問佢『你覺唔覺得欠咗人哋？』佢話『我唔覺得喎』，哈！」
梁思浩形容呼之欲出
梁思浩再補充：「我其實成日都講，人去到某個歲數你一定要醒，我好願意同人道歉，唉！我都唔怕講，佢真係爭鄭秀文一個道歉。你夠膽就開口道歉一次，佢係你朋友嚟㗎，好傷人哋個心。」梁思浩形容的主角已呼之欲出，是「安心事件」的黃心穎，當年黃心穎與鄭秀文（Sammi）曾一齊健身，又有在社交網互動，關係非常友好。最終卻爆出與已婚的許志安發生婚外情。
相關閱讀：吳家樂與鄧兆尊談張慧儀疑被擺上台 暗指鍾慧冰節目跣人：製造事端 姓馬女星被爆激嬲曾勵珍後離巢
梁思浩派花生曾鬧風波：
