周驄離世丨周驄7.22設靈翌日出殯 曾豁達談生死望骨灰可撤在花園：將愛心留在世上
更新時間：11:16 2025-07-12 HKT
發佈時間：11:16 2025-07-12 HKT
發佈時間：11:16 2025-07-12 HKT
字體大小
周驄離世享年92歲。有TVB御用爺爺之稱的周驄於7月4日因肺炎病逝，享年92歲。周驄的喪禮將於7月22日假紅磡世界殯儀館景行堂設靈，翌日（23日）出殯。
周驄專心照顧太太鮮有公開露面
周驄跟太太陳綺華於1958年結婚，三人育有三女一子，因太太陳綺華患癌，周驄自2018年起而大幅減產，專心照顧太太，鮮有公開露面。
相關閱讀：周驄離世丨胡楓契女貼醫院探望相憶往事 周驄昔日得獎片段瘋傳 網民因一事戥胡楓心痛
入行70年的周驄曾演出不少電影和電視，演繹了不少深入民心的經典角色，到了2016年，周驄在《萬千星輝頒獎禮》上獲得「萬千星輝演藝人大獎」，當時由好友胡楓同曾江頒發，胡楓在台上用「呢位好好先生，仲係好熱愛家庭，好錫太太。」周驄離去後，他的侄仔曾於Threads分享，「伯伯，你可以同嬸嬸重聚啦！歲月不留人，時間真係過得好快，唯一留低嘅係我哋之間美好嘅回憶，慶幸每年同你拜年都係我嘅相聚嘅時候 ，我會好掛住你同嬸嬸。」
自從太太患癌後，周驄淡出前專心照顧，他曾表示慶幸家人能為太太完成最後心願：「太太不幸患癌，經年受苦，醫生建議不如化療，佢諗到化療會甩頭髮，自己變成禿頭好難睇，佢走之前叮囑我，唔好喺佢塊面插滿喉管同呼吸機，我哋屋企人都同意。」周驄亦曾向兒女表示：「將來我百年歸老，要將骨灰撒喺花園，回歸土地滋養花樹，將愛心留在世上。海葬唔係唔好，但係要租船出海，太過勞師動眾，都係『花葬』比較簡單，我希望到時可以笑住離開。」
相關閱讀：周驄離世丨侄子公開周驄晚年夫妻照 月華街750呎愛巢曝光 50多年前不需10萬元購入環境清幽
