鄧兆尊罕談立遺囑 「三房」家產分配早有安排？爆曾被趕出街唔敢住酒店：驚被話帶女去
發佈時間：16:00 2025-07-11 HKT
現年58歲的鄧兆尊是億萬星二代，是已故粵劇名伶新馬師曾（鄧永祥）的兒子，他風流倜儻多金又多女，至今未婚的他擁有3位紅顏知己，包括「正印」Carmen、「阿二」車厘子（Cherry）及「阿三」陳小姐陪伴身邊，故多年來有「現代韋小寶」之稱。近日他接受李婉華訪問，罕有講起人生之中僅有一次跟3位身邊人去旅行的情況，竟提及「死亡證」話題；鄧兆尊又爆一次被趕出街無家可歸，而亦表示因為一個原因而未立平安紙，但如何分配家產予3位紅顏知己，心目中已有預算。
鄧兆尊：去旅行我係唐三藏隻馬
因為有3位紅顏知己，故此李婉華好有興趣知道鄧兆尊去旅行時的情況。鄧兆尊指要和她們去旅行十分困難，是「攞Passport難過攞死亡證」：「佢哋唔鍾意出埠，又唔鍾意返大陸，又唔識點樣去攞護照，咁樣你話係未攞Passport難過攞死亡證？」，而唯一一次去法國巴黎旅行，鄧兆尊指極度辛苦：「我係唐三藏取西經入面嗰隻馬，佢哋買完嘢又畀我拎，梗係辛苦。佢哋一去到外國就好團結，因為大家要知買咗咩包包吖嘛。」 李婉華就問去旅行時他如何安排房間和如何決定睡在哪，鄧兆尊就表示是一人一間房，並指「佢哋根本唔想同我瞓」。
相關閱讀：鄧兆尊爆新馬師曾生前秘聞 床邊放數百萬現金疑父做一違法事 離婚賠對方跑馬地一條街 祥嫂發爛即剪西裝
鄧兆尊曾被3位身邊人趕出街
鄧兆尊表示，3位平時的要求不多，最大要求是他回家吃飯，並透露有2位紅顏知己會為他下廚，另外一位就不懂入廚。鄧兆尊又謂，平時在家不會慶祝生日或情人節，目的是希望各位紅顏知己，個性可以比較獨立，自己也可以照顧到自己，指太過依賴也非好事。此外，他又爆有一日同時得罪3個紅顏知己，當日他先後跟3位身邊人嗌交，最後全數不讓他入屋：「我唔記得係因為咩事搞到咁喇，總之我邊度都去唔到，咪喺條街徘徊，點知就撞到吳家樂，佢問我點解唔去酒店開間房，我話咁做佢哋咪又諗我帶女上去，都係咪搞」，幸好有吳家樂接濟才有落腳地。
鄧兆尊未立平安紙
對於立平安紙一事，鄧兆尊指為人比較樂觀，亦因為一原因而未立遺囑：「依家立有咩用呀，有人又要攞嚟睇，到時又話要改呢度改嗰度」。雖然未有立平安紙打算，但鄧兆尊亦表示自己已有預算，並指「佢哋係會分到嘅」。
相關閱讀：鄧兆尊回應明星足球隊北上「包養」傳聞 認想揪出內鬼 爆譚詠麟陳百祥「古惑偷走」
