雪妮唐佳離世|雪妮患癌多年唐佳曾用盡積蓄為太太醫病 與「牛咁眼」陳國權關係密切

更新時間:19:00 2025-07-08 HKT
發佈時間:19:00 2025-07-08 HKT

著名武術指導唐佳(原名黃唐)於6月23日離世,享年88歲。相隔十日,唐佳的妻子雪妮(原名李超純)亦於7月3日因胰臟癌病逝,享年78歲。其後家屬發出唐佳與雪妮的喪禮安排通知,二人將於7月14日設靈,15日出殯,喪禮採用非宗教儀式(維新教)進行。儀式後靈柩隨即移奉火葬場火化。

雪妮確診胰臟癌唐佳不惜用盡積蓄治病

唐佳和雪妮結婚56年,夫妻鶼鰈情深,唐佳在雪妮拍劇時不單陪伴左右照顧,而且又親自接送、煲湯,兩人屬圈中公認模範夫妻,如今二人相繼離世,不少圈中人都感到難過。資深電影人文雋昨日(7日)在YouTube頻道《講呢啲 講嗰啲 Man's Talk》上,談及唐佳和雪妮生前的軼事,文雋稱雪妮早年確診胰臟癌後,愛妻情深的唐佳不惜用盡積蓄帶了太太去了台灣接受治療。

相關閱讀:雪妮唐佳離世丨1969年婚宴珍貴照曝光50年代童星做伴娘 姜大衛與半百龍虎武師齊嗌兩字勁霸氣

 雪妮唐佳離世丨唐佳用盡積蓄為太太醫病:

唐佳曾帶雪妮到台灣接受治療

文雋昨日在節目上談及唐佳和雪妮生前的軼事,文雋說:「雪妮姐多年嘅病喺醫院一路都出唔到嚟,佢嗰個係胰臟癌,我聽啲行家講,唐佳雪妮喺幾年前用咗好多錢,去咗台灣為咗雪妮呢個病,差唔多用咗好多佢哋嘅積蓄,但係都醫唔好,跟住再返嚟,所以呢個胰臟癌嘅的病情,其實唔係一時三刻,亦可能因為咁樣,所以令到唐佳師傅好抑鬱、好鬱結。」 文雋續說:「早幾日雪妮姐喺醫院病逝,應咗唐佳師傅話:『我唔忍心睇你受苦,我一定會照顧你一生』。咁唐佳就早走一步,佢哋兩位先後離去,原本唐佳個仔曾經發過一個通告,而家就要改為佢哋嘅爸爸媽媽一齊舉行喪禮。」

唐佳姨甥陳國權收到各方慰問關心

文雋稱唐佳和雪妮的喪禮除了錢嘉樂幫忙外,金像獎主席爾冬陞亦有協助:「佢哋兩個同唐佳淵源甚深,尤其爾冬陞出道拍咗好多楚原嘅戲,全部都係唐佳做動作指導,呢啲圈中互相幫助、互相照顧嘅行為,喺呢十幾二十年以嚟,我哋都做得好好。」 文雋亦透露唐佳與「牛咁眼」陳國權有親戚關係:「陳國權係唐佳嘅姨甥,唐佳自從正式退休後,佢真係同雪妮過住隱居嘅開心生活,佢哋低調有啲獎想頒畀佢,又或者動作演員工會每年嘅春茗,佢哋都唔願意露面,唯一一樣會出現嘅就係楚原嘅壽宴。陳國權當年投靠邵氏著名武術指導的舅父唐佳,一邊讀書一邊跟舅父學武功,後來加入龍虎武師的行列,當時收入不錯,當袁和平和成龍正收120元和85元日薪,他都有70元日薪。對於舅父唐佳和舅母雪妮的離世,陳國權亦有在FB留言:「連日來收到各方慰問關心,未能逐一回覆,心意敬領,大家有心。」

相關閱讀:雪妮離世終年78歲   昨日於醫院因胰臟癌病逝   丈夫唐佳上月墮樓亡

 唐佳與「牛咁眼」陳國權有親戚關係:

雪妮自認性格野蠻幸得老公包容

雪妮於60年代成為當家花旦,高峰時期七年拍超過四十多部電影,並以《女黑俠木蘭花》,成為粵語片首席武打女星。雪妮為唐佳不惜放棄事業,二人於1969年結婚,婚後急流勇退、專心相夫教子,其後移居加拿大,直到1997年回流香港。雪妮復出加入TVB後,唐佳一直做「跟得老公」,經常跟陪太太進出片場,又會準備愛心靚湯,對老婆照顧有加。雪妮坦言直認自己性格十分野蠻,結婚多年與老公有不少爭拗,幸好每次爭拗時,老公都會讓步。雪妮曾提及退休的其中一個原因,因為耳朵受遺傳病「中耳筋骨硬化」影響而失聰20年,雖然早年已經察覺到耳患的問題,試過聽電話時有一邊耳仔聽不清楚,但另一邊耳仔聽得很清楚,其後雪妮接受手術治療,一邊耳朵手術成功,另一隻耳朵卻失敗,不過10多後左右耳均要戴上助聽器,幸好得到老公時常陪伴左右,雪妮曾說:「我好幸運,我老公成日陪住我,我聽唔到嘢,佢可以同人哋解釋,試過有一次人哋同我打招呼,但係我唔知道,老公咪同人哋講:『唔好意思,我老婆聾㗎』。」