八両菜八両金再翻臉！怒轟前夫家暴兼食軟飯《東周刊》獨家專訪爆因「癌」復合八両金：發神經！

更新時間：15:30 2025-07-08 HKT
發佈時間：15:30 2025-07-08 HKT

71歲的八両金（葉競生）是90年代的諧星，當年他憑炒樓及粉股票令身家水漲船高，但八両金經歷97年金融風暴後，身家隨即大縮水。當年有指八両金老婆八両菜（何顓彤）因此而拋夫棄子，決定與八両金離婚。及至2023年，八両金與八両菜突然復合，但八両菜近日接受最新一期《東周刊》專訪時，卻大爆八両金多年來惡行，更指八両金患癌。

八両菜爆遭八両金剉心口拳打腳踢

最新一期《東周刊》獨家專訪八両菜，大談八両金多年惡行。八両菜指當年八両金不但長期食軟飯，更經常家暴。「佢當年想我搵多啲錢，踢我去做地產，又成日檢查我戶口簿，佢冇俾家用，佢仲要我俾錢佢，小則5、7千，多則過萬。若搵少咗錢，佢就左一巴、右一巴，拳打腳踢，剉我心口，一個星期幾次家暴。（有冇證據？）當年地產舖同事見我臉有瘀青，有個數學老師同我去過西灣河警局報警。」

八両菜稱復合因八両金生癌

八両菜指自己婚後經常以淚洗臉，更試過抱住5個月大的八両仔企圖跳軌。但八両菜指，自從她發現八両金出軌後，便再「冇流淚」，其後便離家出走。

直至兩年前，八両金與八両菜突然世紀復合，八両菜解釋說：因為佢生癌症，想有人照顧。（佢患咗咩癌？）留番啲私隱。佢可以5、6千元請個工人，但唔願意拎7、8千元使費俾你。佢想有個女人分擔頭家，佢自己嘅錢，就同個仔使，你嘅錢，係幫佢屋企『扶貧』，佢家姐、細妹、細佬定時定候拍門上嚟攞錢。（佢病情如何？）喺2023年得知，我諗佢得番幾個月，個幾月前，我睇到佢嘅新聞，佢水腫，塊面腫緊。」

不過，八両金接受《東周刊》訪問時否認，直斥八両菜「唔正常」、「發神經」。