前《愛回家》男星談家暴原因：女人唔識避重就輕爆兩男星出名打女人稱唔想被打要戒口臭

更新時間：17:00 2025-07-05 HKT
發佈時間：17:00 2025-07-05 HKT

曾於《愛‧回家之開心速遞》演「豹叔」的黎彼得，自2021年「通波仔」後一直未獲安排重返劇組，劇情只交代他往加拿大探親。而現實中，黎彼得康復後已甚少拍劇，早前一度因流感入ICU，出院後仍中氣十足，於YouTube節目《玖噏秘笈》發表不少具爭議言論。早前才質疑娛圈「阿豬阿狗又開演唱會」，日前又在節目中談對家暴事件的看法。

黎彼得批評打女人的男士

黎彼得指不時在報章上看到家暴新聞而有感而發，更突然爆料：「打女人呢三個字可圈可點，我哋呢行有兩位哥哥，唔係演藝（成就）出名，佢係打女人出位，咁而家去咗邊呀？好似轉咗型。」黎彼得沒有公開更多線索，但仍引來網民好奇，紛紛留言問他所指的是哪兩位男星。黎彼得回到主旨表示：「男人大丈夫，女人唔打得嘅，女人要嚟錫，打女人非大丈夫所為。」

黎彼得談論引致家暴原因

黎彼得認為引致「打女人」事件的原因，似乎認為責任非全在施暴的男士身上。他說：「好多時都係因為女人，點解呢？因為好多女人唔識點樣避重就輕，就成日焫啲男人，搞到佢一扯火就出事。女人呢……好多時生理上，每個月都有好多唔舒服，又心情唔靚，產後抑鬱就更加大鑊啦！但男人好多時都頂唔順，咁咪出事囉。」其後他亦叮囑，男人不要欺負女人，更提議女士要學功夫傍身。

相關閱讀：黎彼得突點名MIRROR連珠炮發：都唔係歌星嚟三字形容伍仲衡狂焫火頭

黎彼得：開口得罪人，人哋咪打你囉

至於想避免街頭暴力，他亦有意見分享：「我哋永遠都要記住唔好出手，精人出口，笨人出手，你唔好咁蠢做笨人。」他認為引致街頭暴力事件的原因大多因樣子及言論，「有時好簡單，有啲人生得樣衰，有啲人你見佢前面憎佢後面。寸嘴呢都好麻煩，無啦啦開口得罪人，人哋咪打你囉！正所謂『打得少』呀！你唔好衰樣，唔好衰口，呢樣嘢就係令人打你嘅出發點。」

↓立即下載星島頭條App↓