林作疑再狙擊麥明詩：非真正才女僅屬「普通嘢」爆一級榮譽劍橋女參選本屆港姐秘密

更新時間：16:24 2025-06-28 HKT
發佈時間：16:24 2025-06-28 HKT

「十優港姐」麥明詩（Louisa）與前度林作分手多年，雖然已各有另一半，但二人仍不時扯上關係。林作近日再度對港姐及麥明詩再度抽水，他指今屆有位「狀元劍橋女」施宇琪參選港姐，認為她的人設極為適合TVB，視她為本屆港姐冠軍心水；林作又指施宇琪是「真正才女」，因她是「一級榮譽畢業，唔係啲2:1普通嘢」，矛頭明顯指向同樣劍橋畢業、取得二級甲等榮譽成績的麥明詩。

林作最不喜歡陳凱琳

林作先於IG，晒出和女友裕美7年前的合照，並指當時出席一個派對，當中有很多牛津劍橋師弟妹出席，之後他表示：「當晚認識一位串嘴狀元劍橋女，我最討厭的type，名字叫做 Angela Stanton（施宇琪）。當晚我就跟她說：選港姐吧（憑藉我多年港姐的經驗及眼光 - 我係指我睇足港姐咁多年 - 最鍾意係蔡思貝同馮盈盈，最唔鍾意陳凱琳）。」

林作再度狙擊麥明詩？

林作疑狙擊麥明詩

林作表示，施宇琪未有即時聽他的意見參選，到她多年之後、現時26歲終於參選：「我當年就講過：再有才，今時今日，attention economy，就係要出名先可以上位。個區議員明白呢個道理，可惜沒有 #林作顧問傍住，一日就退選，有點弱。你，一定要堅持！睇你小紅書內容，你嘅人設，適合TVB。目前希望你係無業、會退出trader行業，全心做藝人。否則玩票性質，必死無疑。撐你，因為你先係真正才女 ---一級榮譽畢業，唔係啲2:1 普通嘢。另外希望26歲高齡唔係阻礙。作爺正式宣佈：本屆港姐冠軍心水，就係 Ms Stanton！」施宇琪於1999年出世，今年26歲，是位超級高材生，於劍橋大學取得一級榮譽畢業，現時在香港一家投行任職。另外她亦以其小名盧安琪在小紅書當網紅，擁有14.6萬粉絲。

林作為裕美出頭警告麥明詩

麥明詩雖然是「十優港姐」，但亦曾出現不少聲音，指她在劍橋「僅」以二級乙等榮譽成績畢業，其後麥明詩曾經澄清，自己取得二級甲等榮譽成績。林作雖然沒有指名道姓，但矛頭明顯指向前度。早前麥明詩和林作媽媽發生BB上契風波，並直指自己「中咗人圈套」，令裕美怒火中燒，而林作亦在IG拍片，公開撐裕美並警告麥明詩：「唔好搞到我女人，我一定出嚟為佢出頭」。