阮浩棕哽咽自爆「戴綠帽」警察女友一腳踏兩船呃足半年「上等人」孫仔：我傷心到癲

更新時間：16:00 2025-06-23 HKT
發佈時間：16:00 2025-06-23 HKT

現年34歲的TVB上位小生阮浩棕，是「上等人」梁舜燕的孫仔，入行逾10年，去年終憑《異空感應》、《廉政行動2024》等劇集奪得飛躍進步男藝員。阮浩棕最近更首次去日本，拍攝旅遊兼訪談綜藝節目《人生美食地圖—東京篇》。阮浩棕於節目中盡訴心中情，傷心透露自己「戴綠帽」的經歷，他坦言當時「傷心到癲」，現時提起表情語氣依然十分痛苦。

阮浩棕為前度仆心仆命仍遭背叛

阮浩棕於節目中向陳方藤透露心底話：「嗰陣時讀緊大學，嗰時嘅女朋友去咗考警察。咁佢入學堂嗰半年，可能係周末，好間唔中可以出一出嚟，係咁多架啫。嗰陣時我每個周末都留晒畀佢，我完全唔會約人，今日佢有機會出嚟，可能只得一個鐘，我就會即刻去佢屋企，攞晒佢媽咪準備畀佢嘅嘢，拿去學堂附近同佢食個飯，但到最後都係.......」。

阮浩棕大爆「戴帽」經歷：

阮浩棕提舊事眼有淚光

阮浩棕提起當年的傷心事，依然十分在意，他說起來甚為失落，雙眼甚至帶點淚水：「原來佢就係喺學堂識咗另一個，臨畢業嘅時候就同我拜拜。」陳方藤問他當時傷心嗎？阮浩棕激動地直言「傷心到癲」，並表示「嗰半年我真係冇晒人生」。陳方藤問該名一腳踏兩船的女友，是否向阮浩棕坦白自己已另結新歡，阮浩棕更黯然神傷地指「冇講嘅，之後係畀我發現咗」。

阮浩棕跟何沛珈傳緋聞

阮浩棕現時跟何沛珈傳緋聞，多次被傳媒追問感情發展，過往二人都稱是朋友，直至早前兩人受訪時稱，突然確認雙方正在了解中。早在去年12月舉行的《歡樂滿東華2024》，有份參與的阮浩棕表演時，何沛珈被指「心心眼」凝視對方，及後在錄影《大師兄又到聖誕感謝祭》時，阮浩棕更因被逼問而認愛。

阮浩棕出身演藝世家

出身演藝世家的阮浩棕，嫲嫲是有「上等人」之稱的已故資深演員梁舜燕，父親阮惠源是前亞視監製。中學時期就讀喇沙書院的他，2013年畢業於香港科技大學後，本來打算投身銀行界，但因報讀了「音樂與戲劇」課程，發現對演戲大感興趣而決心加入娛樂圈，繼承梁舜燕衣缽。同年10月，阮浩棕投考第27期無綫電視藝員訓練班，畢業後簽約成為旗下藝人，曾參演《使徒行者》、《衝線》、《張保仔》及《梟雄》等劇集，後來一度離巢北上發展，至2020年回港簽約邵氏，早前憑《愛回家之開心速遞》飾演「米剛」一角成功入屋，陸續接拍《異空感應》、《靈戲逼人》及《隱門》等。