何雁詩公開兒子患罕見病被嘲「有報應」 曾做第三者吸Haters：我無謂再去深究咁多
發佈時間：21:00 2025-06-21 HKT
鄭俊弘與何雁詩兒子鄭讚廷（Asher）確診患罕見遺傳病「天使綜合症」（A Angelman Syndrome），他們帶兒子到美國治療，同時亦接受不少訪問及辦慈善音樂會，希望外界更關注「天使綜合症」。日前何雁詩接受前主播方健儀YouTube節目訪問，分享公開兒子患罕見病後看到部份網民對他們嘲諷的感想。
何雁詩與鄭俊弘舊事吸Haters
何雁詩2017年介入鄭俊弘和富貴未婚妻Beebs的戀情，淪為第三者曾是一時熱話，導致二人形象插水。而鄭俊弘同年亦被傳媒拍到，為愛犬戴釘帶，被質疑虐狗，亦引來批評，事後回應是聽從教犬員指示。即使事隔多年，二人仍有不少Haters。而這些Haters更在鄭俊弘與何雁詩公布兒子患「天使綜合症」後，多次留言嘲諷他們「有報應」。
相關閱讀：「天使」媽媽何雁詩兒子讀特殊幼稚園︰幻想緊返學畫面
何雁詩懶理他人嘲「有報應」
方健儀在節目中也問及何雁詩，被部份網民嘲「有報應」的感受。何雁詩表示：「其實當我哋去公開天使綜合症呢件事嘅時候，都預咗一定會有呢啲留言，都畀咗一段時間我哋自己打好個底嘅，我都唔係第一年入行，可能頭5年都會覺得人哋點講都會有啲難受。但又諗返，呢個網絡世界實在畀咗好多power人哋去話你，但當你諗返如果呢個人喺街突然衝上嚟話『報應』呀！你唔會理佢㗎嘛，你又唔係真係識我，你衝埋嚟突然間鬧我，我冇理由同佢拗，我唔係一個會咁樣講人哋嘅人，所以我唔想同網上鬧人嘅人同一Level。」她表示公開兒子患「天使綜合症」，是想更多人認識這個病。
相關閱讀：「天使」媽媽何雁詩2歲仔再傳喜訊！苦等多時終可以做呢件事 讚兒子笑容是父母最大力量
何雁詩被網民翻舊帳曾做第三者
何雁詩曾坦認介入鄭俊弘當年的戀情，2021年曾表示傷害了鄭俊弘的前女友，不過否認知道對方即將結婚，她當時表示：「我令到另一方唔開心，雖然當時我唔知，呢個只係我自己感受，我唔可以代表Fred講任何事，現在回想番，我覺得我唔係一個人嚟，我唔應該咁樣，有唔開心。」而在方健儀的節目中，她亦提起這段往事，何雁詩表示：「我明白點解有啲人對我哋有個睇法，因為佢哋對我哋嘅了解就係喺報章上面，報章上嘅嘢唔係我全部，有好多嘢我控制唔到，我無謂再去深究咁多囉！我控制到嘅就係我家庭開唔開心，我家人健唔健康，我開唔開心，呢啲係我會嘗試做好嘅嘢。」她指當被指「唔識湊仔」而不開心，但她選擇不鑽牛角尖，想將心思放在更正面的事上。
相關閱讀：何雁詩鄭俊弘愛兒病情有進展 講出人生第一個字竟是X 需食藥控制腦抽筋
《他來自江湖》「老姑婆」愛女2歲患血癌？
何雁詩拒絕低調湊仔
何雁詩表示與老公從未很刻意改變外界對他們的想法，會好好經營婚姻，不過會更低調。但為了令大家更認識「天使綜合症」，她就拒絕低調談兒子狀況。她說：「好多人就話，『個仔有問題你就收埋佢啦』，好多……但我好知道自己點解要咁做囉！」何雁詩指與老公現時花好多時間照顧兒子，暫時不考慮再生小朋友。
