東張西望丨「劉德華」稱要錢買藥行騙72歲老婦$XX,XXX 再派「女兒」周旋獲信任：叫我媽媽

TVB節目《東張西望》今晚（17日）報道，72歲攞綜援的獨居長者Helen，今年1月收到自稱「劉德華」的交友邀請後展開對話，對方多次以生病買藥等不同藉口向她借錢，靠綜援為生的Helen，多次借錢給「劉德華」，之後更與「劉德華女兒Hanna」通訊，Helen多度堅稱「劉德華」不是詐騙，又話自己：「唔會醒。」

東張西望丨免費都唔睇劉德華演唱會

事主Helen表示自己對劉德華沒有所謂的喜不喜歡，就算免費亦不會去睇對方的演唱會，認為劉德華的唱歌風格不適合自己。Helen稱最初與「劉德華」對話，是想知道對方做乜，由於沒多久便收到「劉德華」發給拍攝自己護照的相片，令Helen相信「劉德華」的身份。

相關閲讀：東張西望丨唐樓惡霸疑潑屎尿趕住客-梁敏巧遭人身攻擊兼被一物突襲

東張西望丨不相信被「劉德華」詐騙

Helen於1月5日先轉10,280元給「劉德華」，原因是對方要買心臟病藥，「唔食就會死」，相隔3日Helen再轉帳10,080元，之後轉過3,000元、500元。主持林映輝問Helen為何之後只轉數百元，Helen稱：「咁我冇錢丫嘛，佢話500元都好啦，買住啲藥夠食一個期。」Helen對疑似受騙堅稱：「我話你夠膽呃我，我就夠膽俾你。」

東張西望丨曾做教師愛心澎湃

由於Helen曾做過夜校教師愛心澎湃，到之後出現的「劉德華女兒Hanna」時，更是流露出無限寵愛：「佢話佢13歲，喺美國寄宿，佢叫我做老師，傾咗差唔多一個禮拜，佢就叫我Godmother，之後佢連個God字都唔用，直情叫我媽媽。」Helen又讚「劉德華女兒Hanna」是個乖巧的學生，不但對她更對學校的老師很尊敬：「佢個女我係百分百相信。」

東張西望丨買洋娃娃書籍餐券

其後Helen又收到「劉德華女兒Hanna」的「外籍老師」聯絡，Helen於3月期間先借出2,295元作為醫院按金，之後又用6,080元作為購買洋娃娃的費用，接著再付2,500元買一套書，2,000元買餐券。Helen坦承每次都是用錢解決問題，她亦不懷疑老師的身份，因為對方的照片及電郵都有傳給Helen。

東張西望丨身家只餘不足百元

Helen指自己原本有萬餘元放在家中，但現時「俾『劉華』借晒，冇喇！」，還典當了母親遺下留她的四件首飾獲得一萬元。Helen受訪當日自稱身上得番現款6元，八達通20元，銀行戶口有60多元。林映輝嘗試致電「劉德華」及「劉德華女兒Hanna」，對方未有接聽。Helen認為對方並非擔心假身份被發現：「我認為唔係呀！唔係唔想認得佢把聲嘅問題，我覺得佢見到我來電唔敢聽囉。」

東張西望丨憑對話判斷「劉德華」身份

而在訪問途中，Helen指住手機表示：「『劉華』覆喇！『我工作很忙』，佢做嘢丫嘛，佢呢件衫拍嘢丫嘛，戲裡面係病人，真人唔係。」由於「劉德華」用舊相，Helen仍堅持承認對方的身份：「過期嘅相係另一回事，我唔理佢啦！佢係博同情。但係之前同佢講嘢嘅時間，我判斷佢係真嘅。」Helen認同自己不聽人意見。

東張西望丨收綜援即轉走4600元

Helen曾有過一段情至談婚論嫁才告吹，單身至今，其家人亦早已擦覺Helen疑似受騙。林映輝詢問可否聯絡Helen的家人時，Helen變得好激動，拒絕要求。Helen其後收到「劉德華女兒Hanna」通知於5月1日學校放假會返香港，屆時會返還借Helen的首飾錢。Helen於4月底收到綜援時，再轉4,600元給「劉德華女兒Hanna」。

東張西望丨「劉德華女兒」稱欠行李費

Helen於5月1日再通知節目組，「劉德華女兒Hanna」表示早上買機票時欠500元行李費：「我真係頭痕喇，都唔知點搵500蚊俾佢。但唔搵500蚊俾佢，機票啲錢就嘥晒。」Helen為「劉德華女兒Hanna」同別人借錢，更突然對鏡頭表示：「如果我5月2號接唔到劉漢娜出嚟，我就會喺《東張西望》嘅鏡頭面前，向《東張西望》所有工作人員，鞠躬道歉。道歉我自己蠢，我自己冇腦，會認同呢個唔係詐騙。」林映輝安慰Helen，只想她清醒，卻被Helen大笑回應：「唔醒得嗰喎！」

東張西望丨「劉德華女兒」稱簽證過期

而Helen翌日未能接到「劉德華女兒Hanna」，今次的原因是在新加坡過境期間簽證過期，還要罰款2,000元，短訊中更提到：「我恨我的父親」。Helen又稱自己無能為力，對方就表示12時便會送到少年監獄，Helen說：「等佢坐監呀！經一事長一智。」之後Helen又向工作人員道歉，自認無能，麻煩攝製隊多度採訪。Helen在林映輝面前封鎖「劉德華」及「劉德華女兒Hanna」，Helen又豪言：「4萬幾蚊咪交學費囉。」

東張西望丨Helen受騙當買個教訓

事隔一個月Helen表示沒有解除「劉德華」的封鎖，但「劉德華女兒Hanna」就曾解過一次封鎖，得悉對方已返香港，Helen亦關心其去向，二人還約在港鐵站見面還錢，不過Helen等了約一小時仍見不到「劉德華女兒Hanna」便報警，對方便註銷WhatsApp帳號消失，而Helen稱當買個教訓，今後不會再理會「劉德華」兩父女。