「TVB御用師奶」黃鳳琼移加轉行做陪月員演藝出身曾自我懷疑：唔係做丫髻就係做雞

更新時間：09:00 2025-06-16 HKT
發佈時間：09:00 2025-06-16 HKT

有「TVB御用師奶」之稱的黃鳳琼現年58歲，早於10年前離開HKTV後，便帶三名子女移民加拿大多倫多，後來低調離婚。日前她罕有露面接受楊英偉的YouTube頻道訪問談及近況，表示現時除了間中演話劇，其實早已轉行做陪月員。

黃鳳琼早年常演妓女

黃鳳琼早年在TVB期間，拍了逾百部電視劇，但全都是戲份不多的閒角，亦做過配音員為迪士尼動畫配音，直至生小孩後才結束配音生涯。黃鳳琼雖然被封「TVB御用師奶」，但她表示最初演最多的是另一類角色，「我哋呢啲有句難聽嘅說話（形容），唔係做丫髻就係做雞，因為嗰個年代好多風月場所，電視台都係反映嗰個時代背景嘅嘢。」

「TVB御用師奶」黃鳳琼近況曝光已轉行？

黃鳳琼曾被換角：我真係唔係好掂

黃鳳琼直言曾因為常常演可有可無的小角色而自我懷疑，更曾數次經歷因爆Show而被換角，她分享當時心裡話：「求其換第二個都得嘅，冇話冇咗你唔得，我就檢討我嘅價值，其實我真係唔係好掂，反省自己都冇乜特別長處，人哋一定要用你。我明娛樂圈好講際遇，當時唔舒服嘅係，如果你做得好一定會有人睇到，但我一直等唔到呢啲機會，我就諗一定係我做得唔夠好。」

黃鳳琼曾就讀演藝學院

黃鳳琼80年代曾就讀演藝學院，但因為一些原因只讀了一年便退學，後來做過一年體育科教師，1988年參加無綫《銀河接力大賽》入行。黃鳳琼分享當年就讀演藝學院的同學包括李婉華、劉雅麗、甄詠蓓及關寶慧等，與她同樣中途退學的李婉華後來亦入行發展，黃鳳琼笑指不少同學都很有成就，笑言令她有些慚愧。

前TVB「御用警察」失婚人財兩失？

黃鳳琼曾拍周星馳電影

雖然黃鳳琼早年大多演閒角，但亦有令人深刻的角色，包括《大時代》中飾演丁蟹（鄭少秋飾演）的老婆、電影《九品芝麻官》中與常威（鄒兆龍飾演）有姦情的婉君表妹、《唐伯虎點秋香》中唐伯虎的老婆。黃鳳琼分享早在周星馳未紅時已認識對方，有幸拍到他的電影非常開心，「大家有返咁上下你先會行埋一堆，即係我入行嘅時候，我唔會走埋去痴住劉嘉玲，你明唔明呀？人哋有身份地位，大家唔同……但嗰陣時星爺，我哋叫佢做星仔，佢仲做緊《430穿梭機》，會傾計、一齊玩，後來佢得公司賞識拍劇集，佢拍啲劇我幾乎全部都有份演，行行企企，一齊開工都有段時間。後來佢出去拍電影，仲會喺公司搵人，當時比較年輕，得以拍《唐伯虎點秋香》……都幾開心嘅，雖然得幾組戲，後來再搵我演《九品芝麻官》，但之後冇喇，係咪我做得唔好呢？」不過楊英偉安慰她，指可能周星馳離巢後，改由電影公司選角，認為黃鳳琼絕對是有演技之人。