王菲曾發生露胸走光疑雲 TVB猛人大爆天后模特兒秘史 曾助李嘉欣奪港姐冠軍
發佈時間：22:00 2025-06-13 HKT
55歲樂壇天后王菲，自出道起就被認同實力，憑《容易受傷的女人》很快就於香港打出名堂爆紅，之後紅遍中港台三地，本年初時隔七年亮相《2025年春節聯歡晚會》，地位至今仍無可取代。不少人未必知道王菲於89年正式於香港出道當歌手前，曾經於香港當模特兒，近日本地娛樂圈猛人、《聲夢傳奇》形象總監陳灝而，就大爆王菲做Model時的秘聞。
王菲入歌壇前曾當模特兒
王菲在18歲移居香港後，本身計劃留學美國，要先在香港居留1年以獲得身份。就在這段期間，王菲開始當上模特兒，並跟戴思聰學唱歌。而入行逾30年的陳灝而，是娛樂圈知名形象總監和化妝形象指導，她跟TVB淵源甚深，曾當過聲夢傳奇形象總監，炎明熹的劉海髮型正是其傑作。陳灝而亦曾任TVB超級巨聲評判、中國好聲音大會指定化妝形象指導、亞洲區國際時尚超模大賽評判等等，並於李嘉欣參選港姐期間為她急救行天橋技術，助她奪得港姐冠軍。
相關閱讀：「炎明熹恩師」鋪平李嘉欣港姐豪門路？當年大熱卻心魔作祟 TVB猛人大爆最美港姐奪冠秘聞
娛圈猛人爆王菲模特兒秘史：
王菲懶理走光危險
近日陳灝而就拍片講述她和王菲的結識和交集，亦透露王菲為了做好表演，連有機會走光也在所不惜：「我透過模特兒中介公司識到王菲，佢嗰陣好細個，都未做歌手。當時老闆講佢叫Shirley。佢好獨特、好白淨，真係有鄧麗君的感覺。我覺得佢好Sweet，嘴角成日都向上翹。佢嗰陣剛開始做Model，佢好乖，因為係新人，當時冇得揀衫着，有次佢要着晚裝，其實嗰件衫呢，同佢嘅胸位有一段距離，我就問佢介唔介意着，佢完全冇投訴。」
王菲愛飲維他奶食麵包
陳灝而大讚王菲是做Model的好材料：「佢上到台嘅動作、動靜同神情，係可以令人唔會在意件衫唔啱身，佢嘅自信心真係好強，內心好強大。佢最鍾意就係飲維他奶同食麵包，排騷時靜靜咁坐埋一角。佢好靜，但又唔會覺得佢黑面。」
王菲招待友好夠排場
陳灝而更強調完全不覺王菲高傲：「之後佢做咗歌手後，我就再冇跟進佢，但有一次喺商場撞到，佢都有同我打招呼，所以我完全唔覺佢高傲。幾年前佢喺上海開演唱會，其中一場係傳媒場，係畀傳媒同佢好友入場睇騷，我好有幸得到邀請啦，大會嘅安排非常豪華同有排場，我記得去到約定地方，有十幾二十架Benz喺現場接嘉賓去會場，睇到佢好重視佢嘅朋友。」
相關閱讀：春晚2025｜王菲後台最真實片段曝光！寒風刺骨面色慘白 毛毯內瑟縮一動作盡見專業
李嘉欣贏港姐冠軍要多謝星級猛人：
