黎燕珊大女結婚｜黎燕珊爆響口滿手金器價錢女兒難頂一方法𠱁女婿？新娘擰頭唔要再生

更新時間：18:30 2025-06-07 HKT
發佈時間：18:30 2025-06-07 HKT

黎燕珊（珊姐）大女劉詠詩（Wynce）覓得如意郎君，與從事IT界的男友鄭健民（Kenneth）結束12年愛情長跑，去年已註冊結婚，並待囡囡鄭凱蕎（Eleana）出世後，於今晚（6月7日）晚上假Hotel Icon（唯港薈）擺婚宴暨弄瓦喜酒。

劉詠詩戴四隻龍鳳鈪手也難舉

今早在酒店進行接新娘及斟茶給長輩儀式，黎燕珊和長女劉詠詩及女婿鄭健民，早已極度熟落並成為一家人，故此一對新人於敬茶予黎燕珊時，表現得完全冇壓力。劉詠詩手上有四隻龍鳳鈪，其中一對正是由黎燕珊所贈送，而另外兩隻則是由其他親戚所贈。手帶着4隻超巨型流星錘龍鳳鈪，劉詠詩幾乎遞手也有困難！

黎燕珊爆龍鳳鈪價錢：

黎燕珊透露龍鳳鈪價錢

到遞茶的時候，攝影師提醒劉詠詩要畀多點笑容，之後黎燕珊搞笑道：「梗係要開心啲啦，買咗幾十萬呀！」，之後就有人叫劉詠詩同媽媽講，之後會生多幾多個孫，劉詠詩即時不斷擰頭地說「唔好呀」，似乎再沒有生育之意，而女婿就搞笑道「唔好停呀」。

黎燕珊提點女兒與女婿

單親媽黎燕珊，對女婿Kenneth相當滿意，但將女兒交給女婿時不忘向健民訓話，「女兒詠詩係我心肝寶貝，所以唔准大聲同我個女講嘢，如果有日真係覺得我個女脾氣好難頂就同我講，由我教番個女先再交返畀你。」不過珊姐都好公道，亦有叮囑女兒，「我同詠詩講佢都做了媽咪，好多嘢都要用一家三口角度諗，同埋要好有責任，好似我當日做咗單親媽咪後，真係做任何嘢都會諗咗佢哋先，甚至乎過條馬路都會好小心翼翼，每行一步除咗有我信仰支持之外，我都會好小心。」

黎燕珊期待兒子亦成家

詠詩出嫁後，珊姐坦承現在最期待囝囝劉德權（Dicky）也成家，「時間過得好快，個女都有自己家庭，期待我個仔，應該都好快嘞！她坦言自己人生最大嘅功課，就係湊大一對仔女。」珊姐又寄語一對仔女，行好自己未來的人生路，「我成日同對仔女講，媽咪好多嘢唔係好識得教，但媽咪已經用晒全心全意去教導佢哋，神所講『兒女係賜畀父母嘅產業』，要好好哋去守護他們。」她帶點感概眼濕濕說: 「我自問呢份功課係超過100分，嚟緊以後條路就交返畀佢哋，希望佢哋可以好似媽咪咁，做好呢份功課啦！」