黎燕珊大女结婚｜黎燕珊爆响口满手金器价钱女儿难顶一方法𠱁女婿？新娘拧头唔要再生

更新时间：18:30 2025-06-07 HKT
发布时间：18:30 2025-06-07 HKT

黎燕珊（珊姐）大女刘咏诗（Wynce）觅得如意郎君，与从事IT界的男友郑健民（Kenneth）结束12年爱情长跑，去年已注册结婚，并待囡囡郑凯荞（Eleana）出世后，于今晚（6月7日）晚上假Hotel Icon（唯港荟）摆婚宴暨弄瓦喜酒。

刘咏诗戴四只龙凤鈪手也难举

今早在酒店进行接新娘及斟茶给长辈仪式，黎燕珊和长女刘咏诗及女婿郑健民，早已极度熟落并成为一家人，故此一对新人于敬茶予黎燕珊时，表现得完全冇压力。刘咏诗手上有四只龙凤鈪，其中一对正是由黎燕珊所赠送，而另外两只则是由其他亲戚所赠。手带着4只超巨型流星锤龙凤鈪，刘咏诗几乎递手也有困难！

黎燕珊爆龙凤鈪价钱：

黎燕珊透露龙凤鈪价钱

到递茶的时候，摄影师提醒刘咏诗要畀多点笑容，之后黎燕珊搞笑道：「梗系要开心啲啦，买咗几十万呀！」，之后就有人叫刘咏诗同妈妈讲，之后会生多几多个孙，刘咏诗即时不断拧头地说「唔好呀」，似乎再没有生育之意，而女婿就搞笑道「唔好停呀」。

黎燕珊提点女儿与女婿

单亲妈黎燕珊，对女婿Kenneth相当满意，但将女儿交给女婿时不忘向健民训话，「女儿咏诗系我心肝宝贝，所以唔准大声同我个女讲嘢，如果有日真系觉得我个女脾气好难顶就同我讲，由我教番个女先再交返畀你。」不过珊姐都好公道，亦有叮嘱女儿，「我同咏诗讲佢都做了妈咪，好多嘢都要用一家三口角度谂，同埋要好有责任，好似我当日做咗单亲妈咪后，真系做任何嘢都会谂咗佢哋先，甚至乎过条马路都会好小心翼翼，每行一步除咗有我信仰支持之外，我都会好小心。」

黎燕珊期待儿子亦成家

咏诗出嫁后，珊姐坦承现在最期待囝囝刘德权（Dicky）也成家，「时间过得好快，个女都有自己家庭，期待我个仔，应该都好快嘞！她坦言自己人生最大嘅功课，就系凑大一对仔女。」珊姐又寄语一对仔女，行好自己未来的人生路，「我成日同对仔女讲，妈咪好多嘢唔系好识得教，但妈咪已经用晒全心全意去教导佢哋，神所讲『儿女系赐畀父母嘅产业』，要好好哋去守护他们。」她带点感概眼湿湿说: 「我自问呢份功课系超过100分，嚟紧以后条路就交返畀佢哋，希望佢哋可以好似妈咪咁，做好呢份功课啦！」