45歲《美女廚房》女星曾咀爆周中 罕談為癌父簽字安樂死 曾撻着天王帶香閨纏綿
發佈時間：09:00 2025-06-07 HKT
現年45歲的前名模Amanda S.，曾於TVB節目《美女廚房》獻吻陳小春、方力申、梁漢文及評判之一的周中師傅中，而令人留下深刻印象。這名法台混血兒，一出道就與吳君如、舒淇等拍攝電影《絕色神偷》，早年經過失婚之外，更痛歷父親離世之痛。近日她就接受方健儀訪問，講述當年父親選擇安樂死，自己要面對的痛苦過程。
Amanda S.爸爸選擇安樂死
於2016年，Amanda S.的法籍爸爸大腸癌復發，她即時停工返法國照顧爸爸，這段日子維持兩年。「我用兩年時間陪伴爸爸醫病，中間病情十分反覆，真係令我好頹喪。最痛苦係個過程入面，需要去同佢一齊做選擇（安樂死）。我自己要調整心態，要說服自己放過爸爸，呢個係一個好難嘅決定。因為全家得番我一個女，要由我自己簽晒所有安樂死嘅文件，係好辛苦嘅時間。」
相關閱讀：Amanda S.恨做「霆鋒2.0」 大讚對方廚藝了得生意又成功 甜品生意一腳踢送貨都要跟
Amanda S.罕談癌父安樂死：
Amanda S.永不平復的傷口
Amanda S.好記得自己最後一日，在爸爸側邊陪他睡覺：「我永遠都會記得嗰一晚，我成晚諗住呢個係最後一晚，我呢一世都唔會平復到呢個傷口。由細到大我都冇乜朋友，所以同父母好親，所以即使係去到依家，我都日日掛住佢」。但Amanda S.之後回想，她會尊重爸爸的選擇：「安樂死係佢想要嘅嘢。我可以明白佢嘅諗法，如果一個人唔可以用自己喜愛嘅方式生活，仲會有咩希望？不過，要放手真係好難，肯定係我成世最艱難嘅時期。」
Amanda S.仍相信愛情
2011年，Amanda S.與相戀九年的意大利籍前夫Christian Cappelli結婚，但婚姻只維持三年便宣布離婚，被問到自己會否仍然相信愛情，Amanda S.毫不猶疑表示：「我當然相信。無論是親情、友情、愛情都值得相信，但我認為自愛是最重要。」
郭富城到香閨密會？
於1999年，Amanda S.曾跟郭富城合作拍MV，當時她只有19歲，有指她和郭富城於拍攝時成功過電，之後郭富城到了Amanda S.的香閨纏綿。當時有傳媒拍攝到Amanda S.身穿薄紗睡衣，在香閨密會後送郭富城出門的相片，但好可惜二人戀情無疾而終。
相關閱讀：陳凱琳踩過界搞甜品生意 悉心打扮落鋪sell客做生招牌 不怕競爭跟Amanda S.交流心得
