何伯五子女疑現身 直播公然開名爆粗辱罵兩女 怒斥野種「唔死都唔得」
發佈時間：18:23 2025-05-14 HKT
何太與何伯因上《東張西望》追討何伯細女在銀行領走450萬元積蓄而成為網絡紅人，事件曝光後何伯與何太經常拍片分享近況，一舉一動備受網民關注，日前（12日）何太拍片單方面宣佈即將與何伯離婚，再次引起熱話，昨日再有網民野生捕獲何太與何伯外出片段瘋傳，何伯無故癱睡在街上，惹來不少途人側目。
何伯然公開兩女名字爆粗狂轟
何太和何伯今日如常直播，今次她未有再提及離婚，改口稱天意安排要訓練她成為一個強人，聽到何太甜絲絲講與陳生關係，何伯醋男上身鬧爆老婆，聽人提議送何伯入老人院，何伯竟然公開兩仔女的名字爆粗狂轟：「如果嗰個死人X街何XX同何XX夾計捲咗我啲錢走，我有幾百萬喺手，使乜叫人施捨我呀？」
相關閱讀：何太宣佈離婚後近況曝光 與老公外出被捕獲一舉動惹爭議 何伯癱睡街邊畫面瘋傳
何伯多次開名爆粗辱罵仔女
何伯在直播上多次開名爆粗辱罵仔女，甚至咀咒他們：「呢兩個唔會長命，佢唔死我都唔安樂，咁樣害我，咁樣拆散我哋兩公婆，我哋咁好感情，X家X，佢哋唔死都唔得。佢回頭我都唔知佢哋係乜水。」何太以退為進說：「希望我走咗佢哋好好孝敬老竇。」何伯即說：「呢兩個都唔知係咪野種嚟。我一早起身就好似唸經咁，咒佢哋死。 」何太竟然幸災樂禍地說：「笑死我喇。」
網上流傳代表何伯五子女的聲明
何伯的爆粗辱罵仔女的言論，迅即在瘋傳，其後在網上傳出有人代表何伯五子女的聲明：「大家好，本人是何家仔女代表，我們五名仔女對家過往一年的行為已經感到心淡，經深思熟慮後，決定與他斷絕一切來往。從今以後家父在外面的一切行為與何家無關！謹以此平台宣布。」不少網民支持仔女的做法並說：「一直支持五兄妹為顧全家族尊嚴沉默是金，真係九十老人都未見識過咁厚顏同不知廉恥嘅男人，枉為人父。除咗斷絕來往，更加要注意人身安全，尤其一直處於風眼嘅細女，為咗小朋友同自己安全，小心為上。」
相關閱讀：《東張》何太宣布將離婚！稱義務為何伯做一事呻「白做」：三個月後就自由喇
網民不值何伯何太行為：不知所謂
有網民不值二人的行為：「阿伯我本來想你長命百二歲，但而家我好想你快啲死，理由做人老竇，每一日都詛咒兩個女，你真係有冇人性㗎，我聽到你講親呢啲說話好哽耳。」、「何太扮好人呀？」、「老何太太子女，多謝佢哋出嚟表明心跡 ! 亦希望佢哋不單止通知4.0粉絲，更應登報紙同前父親釐清關係 ! 免日後麻煩。」、「不知所謂 。以為日日出嚟鬧出黎咒啲仔女就博到同情 。正常人只會越睇越憎你兩隻嘢。」、「祈望佢長命120歲，享受晚年生活。」、「真心建議五子女集體改名，唔好再用X街老豆起嘅名，當是恩斷義絕。」
