江美儀「代言人」上身？親證劉松仁中風身體欠靈活：要啲時間休息
發佈時間：21:30 2025-05-13 HKT
現年75歲、70年代TVB一線小生劉松仁，近來年屢傳出他身體狀況欠佳，更一度有指他疑似中風口齒不清，不過劉松仁對於外間的揣測曾淡然地說：「要打開隻眼睇清楚啲。」他更表示晚年專注「服務身體」：「你懷住一個感恩嘅心情，去嚮往呢個階段所畀你嘅嘢。」
江美儀親口證實劉松仁曾中過風
劉松仁日前與《名媛望族》的家人RE-U，劇中飾演三太的江美儀貼上與老爺的合照，相中的劉松仁精神飽滿，與劇中3位太太韓馬利、江美儀和楊茜堯，還有子女馬國明和馬賽以及情人賈曉晨相敍，全程笑容滿面。江美儀昨日在YouTube節目《娛樂好好玩》上，親口證實劉松仁曾中過風。
相關閱讀：《名媛望族》鍾家相隔13年RE-U！ 江美儀劉松仁合體掀黑絲回憶 網民召喚兩個失踪家人
江美儀「代言人」上身談劉松仁身體狀況？
江美儀親口證實劉松仁曾中過風
劉松仁自從去年完成由以藝術總監擔任完音樂劇《利瑪竇》後， 曾經有一段時間鮮有再公開露面，直到今年2月罕有與「松迷」舉行交流會，其後再推出攝影集《松風捉影》，劉松仁的狀態一流，面色紅潤之餘，面頰亦比之前圓潤不少，頭髮更顯得十分濃密。日前劉松仁更與《名媛望族》的家人RE-U，當中包括楊茜堯（前名楊怡）、馬國明、韓馬利、江美儀、賈曉辰（JJ）和馬賽等。江美儀昨日在YouTube節目《娛樂好好玩》上，亦有談及當日聚會一事，言談間親口證實劉松仁曾中過風，江美儀被問當日「唔齊人」，她說：「點解會約食飯？因為松哥出咗本影集，我哋每人都有一本，所以咪不如約食飯大家見下面。成個鍾家欠缺陳玉蓮姐姐同王浩信，陳玉蓮唔見人係正常，佢成日都唔喺香港，佢喺內地做義工，王浩信同朱晨麗喺內地做嘢，趕唔切返嚟。」
江美儀「代言人」上身交代劉松仁健康狀況
吳家樂亦有問到劉松仁目前健康狀況：「我有次喺街度見到一個背影好似係松哥，不過我唔敢叫佢，但係我見到佢都精神，佢而家嘅狀態係咪都唔錯？」「代言人」上身的江美儀說：「佢嘅狀態都唔錯，始終因為中風，有啲冇以前咁靈活，但係都好精神，點樣講呢？佢嘅腦筋同以前一樣，所以大家唔需要擔心，佢係好開心。」吳家樂追問劉松仁即使不做幕前，又會否再做幕後工作？江美儀說：「可能會㗎，嗰陣佢身體有狀況，佢都繼續做《利瑪竇》，但係跟住會唔會，我就唔知，要睇佢情況，始終身體要緊，要啲時間休息，不過佢朝朝早都同隻狗行山。」
相關閱讀：75歲劉松仁拒出山︰精力有限時間有限 推出攝影集紀錄人生為慈善機構籌款
江美儀透露夏春秋晚年情況：
江美儀曾爆冬叔晚年身體狀況
其實江美儀亦試過「誤爆」別人身體狀況，「六合彩之父」夏春秋今年3月離世，其女兒吳君如貼出舊照公布死訊：「我最愛嘅老竇走咗喇！」反而前抱江美儀爆冬叔晚年身體狀況，她曾說：「其實我都係睇到君如個po先知，當然我知道佢呢幾年身體麻麻地，因為佢個腎唔係咁舒服，一個禮拜都要入醫院二次洗腎。」她又稱近年亦有向前夫吳君祥（Vincent）問候前老爺：「佢話都係咁，喺屋企休息，始終佢年紀都唔細，已經90幾歲。」
