32歲負資產港女Charlene做過「飯腳妹」曾接過10萬蚊不道德交易 「摸胸費」高達6位數
發佈時間：13:05 2025-05-10 HKT
Now新聞台時事專題節目《經緯線》日前播出的一集以「再見負資產」的專題報道，其中32歲港女Charlene談及負資產經歷：「我之前食開一餐就2、3,000嘅，但而家有時就變咗食lunch囉，可能800至1,000蚊咁樣囉」，甚至後悔因供樓犧牲了生活質素，結果「賣慘」經歷成網上熱話：「我而家係聽佢晒命定聽佢訴苦？」
港女Charlene迅即被網民「起底」，原來她本名叫「曾上游」，報稱做過護士、私影妹，曾上過ViuTV節目 《晚吹一戀講嘢》自爆做過「飯局妹」，其後在另一節目亦曾承認進行過一次收費10萬元的不道德交易，但強調以後不會再接受。
相關閱讀：Now《經緯線》負資產32歲港女影片瘋傳！擁5層樓蝕千萬嘆犧牲生活質素 每餐吃千元仲呻慘
Now《經緯線》負資產32歲港女原來是「飯腳妹」：
港女Charlene曾經做過私影妹
當日港女Charlene的一番「晒命式訴苦」惹來網民狂轟，有人直斥：「有咁耐風流、有咁耐折墮。」、「貧窮限制思想，原來負資產都可以咁離地」，其後更有網民發現，港女Charlene原名叫曾上游，曾經做過私影妹，亦曾在2023年於ViuTV節目《晚吹一戀講嘢》承認為錢做過有身體接觸嘅工作。當時港女Charlene以做過「飯局妹」兼「同胸有關嘅服務性行業」，因為當時被一個聲稱照顧的男人「飛咗」而入行，她的主要工作是陪客人食飯傾偈，價錢視乎質素，通常是四五千蚊起錶，又指自己靠內涵搭救。
港女Charlene「摸胸費」要6位數
Charlene又分享與其中1位客人的「愛情勞資糾紛」，對方是40出頭、樣貌正常但有拍拖的老闆仔，對她很好，有次錫了她後，Charlene便「沉船」，二人去了後樓梯，她有被摸私人部位。Charlene一時指對對方有好感，想發展愛情關係、做地下情人都好，不過一時又認為要收錢，「一係唔好攞，一係就攞我心目中想要嘅價錢，因為我鍾意佢，所以我Prefer唔講錢但Keep住長期嘅關係。」其後郭嘉駿（193）問Charlene「摸胸費」，她竟答：「十零萬啦。除開都係一個月一兩萬。」193嚇呆並說：「你個胸好貴！」最後因對方出現完又神隱，於是Charlene追「分手費」，死纏爛打之下仲搵老闆仔的同事追數，結果又真係追得返十幾萬分手費，但一眾主持都認為曾上游咁做等同勒索。
港女Charlene做過收費十萬不道德交易
Charlene當時曾多次接受不同媒體訪問，表示早於25歲時在內地和澳門持有五層物業，亦曾承認自己曾財迷心竅、進行過一次收費十萬的不道德交易，但以後不會再接受。Charlene又曾於IG貼上自己的Payme Code並寫下：「任何陌生異性，想和我聊天的，不要Say hi，先直接發個HKD1000紅包打招呼，然後再說話。」又曾在《晩吹-啪啪Partner》做嘉賓，分享夜蒲交友攻略。身份曝光後，目前轉型做交友配對的Charlene，昨日在IG限時動態發文：「有時諗返起，我都30幾歲仲有人話我做雞，唔知係咪褒義詞？起碼佢心底裏覺得我生得靚女先，首先做得雞一定唔係豬扒。我覺得如果20年之後仲有人話我做雞，我真係拍爛手掌。我希望我20年後仲keep到。」其後她又再說：「從此專心事業，不再賣弄美色。」
港女Charlene後悔為供樓犧牲生活質素
Charlene在節目《經緯線》中稱護理系畢業後決定做斜槓族，選擇做兼職護士，部分時間為一些公司籌辦活動，加上炒樓，高峰期身家的確上千萬元，覺得自己跑贏同齡人很多，不過港女Charlene遇上經濟不景，樓價下滑而成為負資產，目前帳面損失逾千萬，港女Charlene形容自己10年努力「一鋪清袋」，甚至為了供樓而犧牲了生活質素：「我之前食開一餐就2、3千嘅，但而家有時就變咗食lunch囉，可能800至1,000蚊咁樣囉，或者甚至喺屋企食，跟住以前買開啲MS、LV呀，即係而家可能買啲幾百、1,000蚊嗰啲包包，講緊3、4萬剩係供緊一層中產都不如嘅樓，咁其實我都有啲後悔。」
