劉小慧26歲餅印大女顏值高認做星二代怕批評：啲評語好激烈曾赴日深造變甜品高手

更新時間：18:00 2025-05-09 HKT
發佈時間：18:00 2025-05-09 HKT

在90年代曾經有「寶麗金七小花」之稱劉小慧，在1997年與蘇志威結婚並育有大女蘇君蕎（Yumi）和細女蘇靖珺（Ina），婚後劉小慧專心相夫教子，直到一對女兒長大後，劉小慧復出做直播，不過劉小慧的外貌多年沒有變，凍齡力強勁。

劉小慧大女蘇君蕎夢想成為甜品師

劉小慧的大女蘇君蕎一直夢想成為甜品師，當年考完DSE後，在父母的支持去了日本深造甜品貨課程，到了2022年終於學成回來並開設了餅店，日前劉小慧和大女蘇君蕎齊齊接受訪問，對於被指為星二代，蘇君蕎坦言未有太大影響：「反而對於外界聲音我會比較敏感，會有啲壓力。」

相關閱讀：蘇志威大女顏值完勝媽媽劉小慧全盛時期開甜品班授徒連內地影帝都讚好

劉小慧大女顏值完勝媽咪？

蘇君蕎學懂欣賞媽咪的長氣

現年26歲的蘇君蕎盡得媽咪真傳，擁有一雙又圓又大的眼睛，皮膚白晢，顏值完勝媽媽劉小慧全盛時期。日前劉小慧母女二人齊齊接受李有毅和兒子主持的節目訪問，劉小慧形容兩位寶貝女是上天賜她的最大禮物：「當然第一大禮物係我老公，冇佢就唔會有呢兩個女，佢畀咗我一個好完整嘅豐富人生。」蘇君蕎提到小時候不太理解媽咪，尤其覺得她十分長氣，現時反而學懂欣賞：「其實媽咪係為我哋好，反而我好佩服佢開live講足成個鐘，好犀利，唔夠佢講。」劉小慧即笑言：「冇人鍾意長氣，你唔講多次，佢哋根本當你無到，如果我講一次佢哋就做到，我想講半句添！」

蘇君蕎未有被星二代標籤影響

問蘇君蕎可有被星二代這個標籤所影響？她表示：「冇乜大影響，咁我真係嘛（星二代），反而對於外界聲音我會比較敏感，會有啲壓力，驚大家唔知點睇，如果我失敗咗會點呢，而家啲評語都好激烈，我都有啲怕，但呢一年我都會令自己再進步。（父母畀你最實際幫助係咩？）佢哋存在已經好足夠。」劉小慧曾說：「呢個女由細到大把口出咗名係唔張開，唔鍾意表達，自從近年轉變咗好大，行咗心靈呢條路。」蘇君蕎亦曾說：「2023年都有好多事情發生，我亦都轉變兼成長咗好多，而現在嘅我鍾意多咗講嘢同分享，媽咪話我而家好多嘢講，被一個真係好多嘢講嘅人話我多嘢講，都唔嘢少！」