虛擬情人丨楊卓娜有女人味爆發！零贅肉修長美腿跳鋼管舞勁養眼曾因疾病困擾想辭演：痛到郁唔到

更新時間：20:30 2025-05-03 HKT
發佈時間：20:30 2025-05-03 HKT

由王敏奕、朱敏瀚、黃子恆和楊卓娜主演的TVB劇集《虛擬情人》目前在熱播中，在昨晚（2日）播出的一集，「Audrey」楊卓娜因跳 Pole Dance與老公「Norman」黃子雄結緣，不過隨著黃子雄在法律界地位越來越高，楊卓娜熱愛跳 Pole Dance一事成了二人之間隔閡，最終「Adam」朱敏瀚的介事件，令黃子雄終明白楊卓娜多年來所承受的孤單及委屈，二人終和好如初。

楊卓娜親身上陣演繹跳鋼管舞

楊卓娜連續兩集都有跳鋼管舞場口，全部均由楊卓娜親身上陣演繹，鏡頭前楊卓娜舞姿曼妙、身材保養得宜之餘，女人味大爆發，但鏡頭後楊卓娜落了不少功夫，雖然鋼管舞場口加起來為時不長，但楊卓娜依然努力準備及學習，除了跟專業老師學跳鋼管舞，還額外自掏腰包上瑜伽導師課程，出來的效果令人意外。

楊卓娜接角色備受嚴重肩周炎困擾

原來楊卓娜接到「Audrey」這個角色時，備受嚴重肩周炎困擾，但因自己熱愛跳舞故對於鋼管舞場口「又愛又恨」，最終決定自費數萬元上瑜伽導師堂、努力拉筋備戰，楊卓娜說：「嗰時我肩周炎好嚴重，痛到郁唔到、頸擰唔到之餘，仲洗唔到臉、休唔到褲、瞓唔到覺，我有諗過想推（個角色），但我又好多年冇跳過舞，自己又好鍾意跳舞，所以就想盡辦法去睇吓點樣拉鬆返啲筋，最後我報咗個幾萬蚊嘅瑜伽導師 course。上第一堂嗰時，我連舉高隻手都有撕裂嘅感覺，其實我所有動作都識做，但physically 唔容許我咁做。」楊卓娜續說：「如果唔係因為呢個角色，我唔會咁努力去拉鬆番啲筋，我係喺上Pole Dance 堂前個零月左右日日去上瑜伽，到我活動範圍大返啲，我先再去學 Pole Dance，大概上咗四堂左右，頭兩堂基本我都仲係唔係好郁到，用唔到力。」

楊卓娜一度迷失於增肥及減肥之間

不過楊卓娜笑言當時同時拍攝《虛擬》及《奪命提示》，故一度迷失於增肥及減肥之間，相當搞笑。楊卓娜說：「呢兩套劇差唔多搭住去拍，我當時都唔知減肥定增肥好。因為 Pole Dance 角色要弗之餘，塊面唔可以瘦，因為個角色應該係要靚嘅，但《奪命》個角色又要好殘喎，當時真係好掙扎點兼顧兩個角色。」娜姐續指亦因為兩個角色「撞到應」，故在《虛擬》中是戴假髮上陣：「因為《奪命》嗰邊啲頭髮要好乾、好殘、好霉、好爛，所以嗰段時間精神狀態都好奇怪，因為兩個角色好南轅北轍。」其實有網民留意到，楊卓娜在某場跳Pole Dance 場口中，膝蓋驚現瘀傷，估計亦是練習或拍攝時留下的「唔錫身印記」。

TVB最強繼母內地拍劇受細菌感染破相傷口極深眼部浮腫堅持開工再做直播