周永恆違規踩「風火輪」被捕後首曝光！精神狀態成焦點 預告將會更多與外間接觸
發佈時間：15:30 2025-03-26 HKT
周永恆前日（24日）於天水圍一帶行人路因違規使用電動平衡車（俗稱「風火輪」）而被捕。周永恆被警方截查期間一度情緒激動，並高呼「我無撞到人呀」及「救命」，場面混亂，他被制服後帶返天水圍警署調查，警方以涉嫌「沒有第三者保險而使用汽車」及「在行人路上駕駛」將他拘捕，目前已獲准保釋候查，須於五月中旬向警方報到。
周永恆違規踩「風火輪」被捕後首曝光
違規踩「風火輪」而被捕的周永恆今日（26日）首曝光並公開道歉：「我知引起咗好多新聞出嚟，講聲唔好意思要你哋關心。」周永恆又聲稱已接受酒精呼氣及毒品測試，分別是零度及沒有濫藥，其後他再展示傷勢：「雙手損咗，個手機Mon碎咗，嚟緊我會有更多嘢同大家接觸，唔係淨係呢啲『生活瑣事』都要搞到上新聞，又令到大家擔心，多謝你哋。」現時周永恆被控告兩項罪名，2千元保釋，5月16日再報到。
相關閱讀：周永恆近年生活潦倒？內地太太冷待老公被捕 兩度發文為一男子感興奮
周永恆首現身為事件解畫：
周永恆被捕後首現身
戴上Cap帽、眼鏡及身穿牛仔褸的周永恆，看起來精神有異樣，他表示被拘捕的地方正是其寓所樓下，因早前左腳韌帶撕裂，行動帶點不便，再加上雙手又受損，直接影響了生計：「而家唔可以再做送外賣，原本有監製搵我搞電影音樂，但發生咗呢件事，我同監製講可以唔出我名，但佢哋都話唔合作住，連想爭取嘅工作機會都冇埋，我都係想搵啲錢養吓個仔啫。（日後有咩打算？）會繼續做歌嘅，仲打算想學理髮，將來或開間髮型店幫人剪頭髮囉。」
周永恆被便裝警制服片網上瘋傳
昨日（25日）網上再流傳數段另一角度片段，清楚拍攝周永恆被便裝警制服一刻，片段最初所見，當時一名灰衫便裝警員按住周永恆，著對方合作，然而周永恆情緒失控向灰衫警大叫「唔好攞住我電話呀，啲嘢係我咖」，並試圖站起。多名警員見狀一湧而上，將周永恆合力制服在地，周永恆遂多次辯稱「我無郁過呀，你唔好搞我呀，救命呀！」周永恆被制服後，警員為其鎖上手銬，然而周永恆縮手沒有配合，高呼「你畀我袋返好啲嘢呀」，灰衫警因而厲聲警告「我第二次警告，如果你唔合作，我拉埋你阻差辦公」，其他警員亦要求周永恆「攞隻手出來，放鬆」，周永恆才配合讓警員上手銬，後來周永恆坐在附近一花槽接受調查。
相關閱讀：周永恆襲警案再上庭有老婆陪 自稱認罪因無錢打官司：驚爭人錢多過驚坐監
趙頌茹獨自逛街近照曝光？
林日曦今日出PO回應事件
周永恆再次被捕的消傳息傳出後，在網上掀起網民熱議，有網民聲稱：「佢成日踩住風火輪响區內行，見過佢响新北江樓下屋苑行車路上行得好快，對行人同車都係好危險，所以拉佢都係好事。」甚至有人直斥：「四十多歲人仍不長進。」周永恆的內地太太陳薇（Britni）至今未有回應事件，她反而在限時動態貼上「腦細」林日曦優先訂飛的詳情，其後還興奮地表示被「腦細」Like了她的story。林日曦今日出PO回應事件：「 唔該唔需要再send呢單嘢俾我了，由於你send得俾我，即係有機會都send咗俾我老婆，所以呢個post，主要係趁我老婆未起身，做個防禦性解釋。主動澄清返（humble手），每一個喺ig story share咗我張poster嘅人，有notification的話，我都有like返的。dickson有share，dickson可以做證。東方昇有share，東方昇可以做證。其他有share嘅讀者/觀眾，都可以勇敢啲行出嚟做證。最後唔好意思打擾到周生周太，同埋多謝返周太share poster嘅支持。」
