「億萬駙馬」伍富橋老婆都有X的時候！墮假機票騙局被騙5位數：想笑嘅都可以盡情笑
發佈時間：16:30 2025-03-24 HKT
30歲伍富橋（Alvin）自與富家女梁兆楹（Shirley）結婚後，因不時在網上大晒奢華生活，經常周身名牌兼環遊世界，結果這令這段婚姻備受矚目，生活質素十級跳的伍富橋更被標籤為「億萬駙馬」，不過兩人未有因為外界的目光而影響關係，一直愛得甜蜜。
梁兆楹留家療傷都會出「意外」
梁兆楹日前不慎弄傷腳部需要坐輪椅，伍富橋悉心照顧對方，但想不到即使留在家中，都會出「意外」。今日（24日）伍富橋轉載太太的IG Story截圖，並指對方墮入假機票騙局，被騙買4套平價商務艙機票，自認精明的梁兆楹更說：「想笑嘅都可以盡情笑，Post係因為希望唔好再有人畀人呃就好啦。」
相關閱讀：伍富橋堅稱絕不後悔閃婚！由富二代躍升做億萬駙馬同呢件事有關：好似畀佢迷住
伍富橋富貴老婆墮入假機票騙局：
伍富橋太太墮入假機票騙局
伍富橋今日轉發太太的IG Story截圖，並指對方墮入假機票騙局，被騙買4套平價商務艙機票：「事源係我老婆呢兩日不便走動，唔係坐輪椅就瞓喺張床，太悶係咁碌IG，畀佢發現咗呢一個廣告。」 之後梁兆楹與這個詐騙集團展開對話，並且迅速與他們買了4套聲稱商務艙機票， 但當準備想再買多一套機票時 「開始發現唔對路」：「 經過多次盤問後，對方突然封鎖我老婆WhatsApp，此時我老婆就知道被騙了，並已即是致電警方的反詐協調中心並以報案。」
梁兆楹指詐騙集團做得相當認真
梁兆楹說：「我想講今次真係X都要講，話說我呢兩日坐輪椅坐到瘟瘟沌沌。睇睇吓下IG就發現有呢個post，就諗住撳入去睇吓啦，之後就畀人呃咗。雖然我知道大家都一定精明過我，但係有時真係會鬼揞眼，真係要小心。」梁兆楹指這個詐騙集團做得相當認真，不但細心回覆問題，又解釋得專業清晰，截圖可見，對方要求梁兆楹將每張$9500的機票要分4次過數，即是總值$38000，對此梁兆楹說：「有晒單同埋認證做到勁真，過咗頭兩次之後開始覺得唔唔對路，同埋一張單過點解要分開過數？ 當時都有問過佢呢個問題，但係佢就講咗一大堆公司Policy，話如果係分開過到時改機票會方便啲，咁我諗住係XX銀行同埋個名應該冇事，當下都冇諗咁多。」
相關閱讀：「億萬駙馬」伍富橋搬新屋樓底超高 巨廳大到與岳母打乒乓波 大晒珍藏Figure
伍富橋梁兆楹婚後經常外遊：
相關閱讀：「億萬駙馬」伍富橋嚴肅喝止富貴老婆！關乎5千呎豪宅安危 Man爆獲讚真男人
梁兆楹過數後發現戶口不是旅行社的名字
最終梁兆楹過了數給對方，但發現過數的戶口並不是該旅行社的名字：「 之後即刻叫我老公用XX銀行個App check吓，點知個戶口名真係唔啱，當時即刻同佢對質點解戶口唔同咗名? 同埋點解佢明明話15分鐘後會收到電子機票，但係又一直都冇收到。跟住仲要send埋勁多嗰啲Facebookpost 畀我，說服我繼續畀錢，仲同我講話佢哋公司間間銀行都會有唔同戶口，當下即刻知道瀨嘢。」
梁兆楹自認精明都有X的時候
梁兆楹再上該旅行社的官網，發現近日有不少人盜用其的名字騙人：「原來佢哋真係喺FB同IG詐騙，我CAP晒官網啲圖畀佢，跟住佢就單剔咗。平時喺網上面亂咁買嘢都冇乜所謂，但今次係畀咗錢但咩都買唔到返嚟，今次真係恭喜晒。」最後梁兆楹報警處理：「梗係循例都要報個案啦，雖然知道一定係追唔番㗎啦，亦都冇抱過希望，想笑嘅都可以盡情笑，因為我X到自己都喊咗出嚟，Post係因為希望唔好再有人畀人呃就好啦，唔係話你會X得過我，自問都精明咗30年，但原來真係會有發瘟嘅時候。#或許這就是高材生的缺撼。」
