Day許軼@COLLAR推首支單曲《Wait A Second》 校服Look上陣與范麒智Kenji合作拍MV
發佈時間：16:55 2025-03-05 HKT
女子組合COLLAR成員Day許軼昨日（4日）推出首支個人單曲《Wait A Second》。作為Day的「單飛」頭炮，曲風以快歌為主，既有擅長的跳舞元素，亦有Live Band元素，更邀請了人氣小鮮肉Kenji范麒智擔任MV男主角，二人在MV以學生Look上陣零違和感，不過首次「單飛」出歌的Day自言，心情既緊張又不習慣。
Day許軼新歌幕後團隊陣容強
Day許軼新歌《Wait A Second》意思是「停一停」，是一首青春幻想曲，由謝國維編曲監製、陳詠謙填詞，並由Dear Jane成員Nice黎俊華負責打鼓，幕後團隊陣容鼎盛。Day表示：「今次首歌用咗2、3個月時間籌備，比團歌過往用2、3星期去完成嘅時間長，事前同咗各方面嘅藝術總監傾咗好耐，花多咗好多時間去構思，特別喺錄音方面，錄咗3次，排舞亦特別去咗日本揾當地排舞導師去排。」
Day許軼成COLLAR第4位單飛成員
作為第四位「單飛」COLLAR成員，Day坦言心情非常緊張：「感覺係既擔憂又唔習慣，但有啲興奮，好緊張第一次拍MV冇其他成員喺身邊，好驚，但好彩今次搵咗一班跳舞好朋友嚟參與MV入面角色，叫有朋友陪就安心啲。」MV拍攝期間，COLLAR成員Ivy蘇雅琳、Gao沈貞巧同Winka陳泳伽亦專誠到場探班，為Day打氣，表現窩心。Day表示：「隊友們有畀好多意見我，由未出歌就幫手諗，我有Send首曲畀Gao聽，佢已經幫手作啲搞笑嘅歌詞。」
Day許軼見Marf同芯駖得獎感激動
提到終於「單飛」出道，Day透露背後原來是一眾COLLAR隊友出力推動：「其實我一直好嚮往團體，但同隊友傾偈，佢哋都有自己嘅發展，大家畀咗好多鼓勵我，叫我不如都試下，做啲自己想做嘅歌，於是我就嘗試。」過往COLLAR成員「單飛」都有好成績，問到Day會否感到壓力？Day說：「冇壓力！今年大家都有各自發展同自己嘅作品。對獎項方面當然有少少期待啦，因為親眼目睹Marf同芯駖攞獎，當時望到佢哋行上頒獎台攞獎，我都好開心好激動，都有幻想當我上台攞獎，佢哋幫我拍掌嘅情況。」
Day許軼與范麒智Kenji合作心情緊張
在《Wait A Second》MV中首度跟Day合作的Kenji，笑言第一次跟Day交談感覺十分緊張，他表示：「其實我本身好緊張，不過我個人好衰，見到對方比我仲緊張，我個心就會安定咗；拍第一個鏡頭時，我同佢（Day）傾偈，佢有少少僵硬，我問佢係咪I人，佢話自己係超級I，其實佢只係慢熱，之後講多少少嘢，發現佢個人其實都幾fun。」
Day許軼參加《全民造星IV》入行
許軼出生於2002年6月4日，是一名香港女藝人，中尼混血兒，Day參加ViuTV選秀節目《全民造星IV》得到季軍而入行 ，現為香港女子組合COLLAR成員兼MakerVille合約女藝員。2021年12月24日，與郭曉妍、鄭芷淇、曾美欣、陳紀澄及黃詠霖，就於Youtube頻道成立女子組合Lolly Talk並推出首段影片及翻唱《全民造星IV》60強A2組表演項目《Candy Ball》並列為Christmas Version。至2022年1月12日，DAY正式以COLLAR的成員活動並發佈單曲《Call My Name!》，再沒有參與Lolly Talk日後的作品。在團內自稱是「小型戰機擔當（會解體）」。
