Day许轶@COLLAR推首支单曲《Wait A Second》 校服Look上阵与范麒智Kenji合作拍MV
发布时间：16:55 2025-03-05 HKT
女子组合COLLAR成员Day许轶昨日（4日）推出首支个人单曲《Wait A Second》。作为Day的「单飞」头炮，曲风以快歌为主，既有擅长的跳舞元素，亦有Live Band元素，更邀请了人气小鲜肉Kenji范麒智担任MV男主角，二人在MV以学生Look上阵零违和感，不过首次「单飞」出歌的Day自言，心情既紧张又不习惯。
Day许轶新歌幕后团队阵容强
Day许轶新歌《Wait A Second》意思是「停一停」，是一首青春幻想曲，由谢国维编曲监制、陈咏谦填词，并由Dear Jane成员Nice黎俊华负责打鼓，幕后团队阵容鼎盛。Day表示：「今次首歌用咗2、3个月时间筹备，比团歌过往用2、3星期去完成嘅时间长，事前同咗各方面嘅艺术总监倾咗好耐，花多咗好多时间去构思，特别喺录音方面，录咗3次，排舞亦特别去咗日本揾当地排舞导师去排。」
Day许轶成COLLAR第4位单飞成员
作为第四位「单飞」COLLAR成员，Day坦言心情非常紧张：「感觉系既担忧又唔习惯，但有啲兴奋，好紧张第一次拍MV冇其他成员喺身边，好惊，但好彩今次揾咗一班跳舞好朋友嚟参与MV入面角色，叫有朋友陪就安心啲。」MV拍摄期间，COLLAR成员Ivy苏雅琳、Gao沈贞巧同Winka陈泳伽亦专诚到场探班，为Day打气，表现窝心。Day表示：「队友们有畀好多意见我，由未出歌就帮手谂，我有Send首曲畀Gao听，佢已经帮手作啲搞笑嘅歌词。」
Day许轶见Marf同芯駖得奖感激动
提到终于「单飞」出道，Day透露背后原来是一众COLLAR队友出力推动：「其实我一直好向往团体，但同队友倾偈，佢哋都有自己嘅发展，大家畀咗好多鼓励我，叫我不如都试下，做啲自己想做嘅歌，于是我就尝试。」过往COLLAR成员「单飞」都有好成绩，问到Day会否感到压力？Day说：「冇压力！今年大家都有各自发展同自己嘅作品。对奖项方面当然有少少期待啦，因为亲眼目睹Marf同芯駖攞奖，当时望到佢哋行上颁奖台攞奖，我都好开心好激动，都有幻想当我上台攞奖，佢哋帮我拍掌嘅情况。」
Day许轶与范麒智Kenji合作心情紧张
在《Wait A Second》MV中首度跟Day合作的Kenji，笑言第一次跟Day交谈感觉十分紧张，他表示：「其实我本身好紧张，不过我个人好衰，见到对方比我仲紧张，我个心就会安定咗；拍第一个镜头时，我同佢（Day）倾偈，佢有少少僵硬，我问佢系咪I人，佢话自己系超级I，其实佢只系慢热，之后讲多少少嘢，发现佢个人其实都几fun。」
Day许轶参加《全民造星IV》入行
许轶出生于2002年6月4日，是一名香港女艺人，中尼混血儿，Day参加ViuTV选秀节目《全民造星IV》得到季军而入行 ，现为香港女子组合COLLAR成员兼MakerVille合约女艺员。2021年12月24日，与郭晓妍、郑芷淇、曾美欣、陈纪澄及黄咏霖，就于Youtube频道成立女子组合Lolly Talk并推出首段影片及翻唱《全民造星IV》60强A2组表演项目《Candy Ball》并列为Christmas Version。至2022年1月12日，DAY正式以COLLAR的成员活动并发布单曲《Call My Name!》，再没有参与Lolly Talk日后的作品。在团内自称是「小型战机担当（会解体）」。
