星8卦丨「辣椒」爭輸大場 賴「經理」不力唔出糧
更新時間：11:30 2025-01-03 HKT
發佈時間：11:30 2025-01-03 HKT
發佈時間：11:30 2025-01-03 HKT
字體大小
「辣椒」近期喺香港蠢蠢欲動，總認為自己可以捲土重來。可惜撼唔低「過江龍」冇得做大場第一個。唔知憑乜嘢「辣椒」覺得自己仲係喺自己出生地好受歡迎，因為佢份人一直好刻薄，亦都對身邊嘅人孤寒同奄尖。
相關閱讀：星8卦丨「反骨」畀「阿哥」洗腦自抬身價 經濟低迷冇人要兩頭唔到岸
為咗強勢回歸，「辣椒」請咗位經理，講到明要佢用盡一切手段幫自己搶到大場。雖然「辣椒」而家嘅火熱程度已經不復當年勇，咪又係衰喺性格問題，當初喺節目爆紅又被視為實力派， 唔知死咁四圍寸人，得罪一條街，至諗住返嚟爭做第一個威威。
相關閱讀：星8卦丨「冷臉」對外冷漠超酷 前夫男友相處融洽一家和睦手段高
衰極佢都仲可以搵到個百萬一場騷，錢佢唔係冇呀，但對「經理」一啲都唔闊綽，仲要將爭輸咗嘅事實賴落去「經理」度，一個月唔夠2萬蚊嘅糧一拖就半年，「經理」忍咗頭幾個月都算，而家直情唔聽人電話搞到關係好差。
相關閱讀：星8卦丨「大眼」撻著「情聖」最錯被「辣婆」夾埋阿太玩謝坐冷板
其實「辣椒」當初巴閉嘅時候，當自己地頭死嘅，所以得罪晒全世界，「經理」就算人緣好都幫唔到主子，只係出雞碎咁多糧都要被拖。其實「辣椒」人品咁差，就算搵一百個人幫佢都唔會有乜起色，想東山再起叫佢死心啦！
最Hit
獨遊羅馬｜32歲女遊客被盯上 騙至廢棄建築餵藥輪姦囚禁72小時
2026-05-29 22:57 HKT
「關門黨」太子站硬搶手袋 女事主扯實唔放變車廂拔河 目擊者提醒「一類人」要格外留神｜Juicy叮
2026-05-30 15:27 HKT
