林珊珊祖孫三代同遊高雄由朝玩到晚細女野人爆料外公好體力又食得勝過年輕人

更新時間：15:00 2024-11-28 HKT
發佈時間：15:00 2024-11-28 HKT

著名經理人林珊珊與兩個女李澄（西瓜）、李怡（野人）感情很好，三母女不時見面。早前草蜢在新加坡開演唱會，林珊珊便帶同父母及兩個女去支持。近日林珊珊的兩個女分別在社交網出PO，原來又再三代同堂去旅行，不過合照中未見林珊珊的母親，估計因行動不便，而未有同行。

林珊珊爸爸好胃口

林珊珊的細女「野人」李怡日前在IG分享旅行相，見到外公穿上紅色衫，臉色紅潤，精神極好。食海鮮餐時更好好胃口，似乎玩得好開心。「野人」李怡大讚外公好精力：「只能說，公公精力好過我，過咗幾日瞓得少過8小時已經無咗半條人命，佢仲可以每朝7點落去食早餐，然後同我哋食消夜慶功」。

相關閱讀：林珊珊三代同捧神級男團！全家赴新加坡追星父母一舉動獲網民讚潮爆

林珊珊祖孫三代台灣旅行？

相關閱讀：林珊珊前夫58歲生日前榮升爺爺囡囡野人抱同父異母細佬B仔為爸爸慶生

林珊珊一家人在高雄旅行，去了不少地方，大女西瓜也有在IG分享打卡相，當中更有出自外公的手筆，為三母女揸機。「西瓜」李澄留言：「和腳步日漸漫活的公公遊高雄港。看輕軌、遊舊街、穿過文創區，看會轉動的大港橋。在陽光底下合照。媽媽提議阿公幫我們三母女和大橋合照，又果真影倒，只是成果笑到肚攣（尾二pic，是原圖無crop無動手腳）喜歡公公的拍照技術嗎？不用修圖哦」。

林珊珊爸爸著潮牌

不少網民羨慕林珊珊三代同堂感情好，又指兩個外孫女好孝順，陪老人家去玩。有網民在機場遇見林珊珊一家留言：「喺小港機場Lounge見到你哋，你公公仲自己來來回回攞嘢食，好精神」，「野人」李怡也有回覆爆料：「仲食好多添！」另有網民留意到外公穿上潮牌DSM x Stussy服飾，「野人」李怡表示：「事緣佢攞咗我嗰件去着仲要好鍾意決意要我轉讓，唯有買件新嘅畀佢贖返我嗰件返去」。

相關閱讀：林珊珊為母賀壽三代同堂如餅印演藝大家族有影帝視帝仲有天后