星8卦丨「才女」最愛人夫遇「激進」大打出手嚇到「大哥」「才子」避走

更新時間：11:30 2024-06-21 HKT
發佈時間：11:30 2024-06-21 HKT

「才女」都叫做系出名門，鬥靚期間已經被睇好，唔少幕後人都鍾意畀機會佢做二線頭，做女一佢又未夠班嘅！「才女」幕前係可以發展，但佢偏偏鍾意同唔同嘅已婚男士搞埋一堆。

最錯係同「激進」開心過後，對方一直唔放過佢，死纒爛打，「激進」係有才氣，但性格絕對唔啱「才女」，大家一夜情玩吓咪算囉，點知「激進」好認真咁話畀全世界聽兩個人係男女朋友。同時期「才女」又去搞文化界「才子」，人哋有老婆，佢就話鍾意大家唔駛負責任，「才子」梗係風流，佢有女明星倒追，不知幾開心，屋企嗰個好簡單，你識路返屋企就得，其他無所謂。

然後佢又鍾意咗制服界「大哥」，又係第三者，仲要橫風橫雨喺人屋企樓下等門，嚇到「大哥」以為撞鬼，於是怕咗佢要避到有一排出國，驚佢會做啲乜嘢唔理性行為。其實「才女」同「激進」好登對，大家都咁癲，所以有段時間兩個人又喺返埋一齊，但太似嘅人只會互相傷害，後嚟因為「才女」同「激進」大打出手畀人知至真正分開。總之「才女」嘅情史精彩過佢打拚事業一百倍，最近佢又昅中藝術界一位精英，諗住點樣拆散人哋開心做第三者嘞！

其他文章：

星8卦丨「高妹」扮鍾意女人呃「小姐」好食好住唔捨得分手

星8卦丨「公子」搵名媛姐仔過橋呃父母被踢爆唔做戲直接出櫃

星8卦丨「禿頭」樣醜但識氹女「長面」唔夠「妹妹」爭輸得好失禮

星8卦丨「大少」虐待「嬌嬌」遇上「大爺」相逢恨晚愛得痴纏

星8卦｜「清秀」痴戀「導演」被趕出門口錯愛「偽君子」被騙身家

星8卦｜「高瘦」被阿媽逼嫁入豪門奶奶自出自入無私隱搞到情緒病

星8卦｜「霸姐」食盡小鮮肉想定落嚟招惹「扮嘢」痴戀唔敢落疊

星8卦｜「動物」同「生姐」拍拖盡使衰咸濕斷正被飛抵死