「西門慶專業戶」單立文拍愛情動作片有呢個睇法被老婆胡蓓蔚激到睇醫生個肚好多氣

更新時間：12:45 2024-05-09
發佈時間：12:40 2024-05-09

65歲單立文（豹哥）曾因為多次飾演「西門慶」而被視為「西門慶專業戶」，雖然單立文其後「從良」，即使轉戰電視圈脫離不到「西門慶」。日前單立文接受TVB節目《香港婚後事》訪問，單立文坦言沒有後悔過拍愛情動作片：「如果你應承要做，你就要努力做好佢。其實都係歷史人物啫，冇咩大不了！」

「西門慶專業戶」單立文劇照：

在今晚（9日）播出的《香港婚後事》，單立文與太太胡蓓蔚（豹嫂）兩夫婦齊齊接受訪問，曾在電影圈打滾的單立文，因多次飾演「西門慶」而被視為「西門慶專業戶」，當中包括1990年與王祖賢合作的電影《潘金蓮之前世今生》、1991年三級片《金瓶風月》、1994年李翰祥執導的《少女潘金蓮》及1996年楊思敏主演的《新金瓶梅》系列，還有在1994年與溫碧霞、郭可盈主演的TVB劇集《恨鎖金瓶》，甚至連《愛．回家之開心速遞》亦試過以西門慶的造型現身，可謂入形入格！單立文在節目上說：「蔡瀾當初簽咗我三部（電影），佢話第一套冇嘢㗎，係個書生喺度打啲妖咁，Lur住帶過咁囉。」單立文還坦言沒有後悔過拍愛情動作片：「如果你應承要做，你就要努力做好佢，其實都係歷史人物啫，冇咩大不了！」

胡蓓蔚自爆激到老公睇醫生

單立文與胡蓓蔚在2008年結婚，兩人由拍拖到結婚相愛28年依然恩愛如昔，單立文大拋婚姻哲理：「婚姻係兩個人三唔識七喺埋一齊，之後產生一種化學作用叫愛情，之後到你 Commit 要照顧一生一世，講就易囉，當你途中遇到咁多嘢嗰陣，你個心會唔會動搖？會唔會想放棄？你要重拾正軌去鞏固番個婚姻，係好艱難，一段婚姻共富貴係好容易，共患難就唔容易。」胡蓓蔚自爆最近因一事令她有新的領悟：「最近我激親我老公，激到佢睇醫生，原本係好小事，但大家喺度互頂，佢話：『你收聲！』我話：『我好冷靜，你有咩資格叫我收聲，我做咩要收聲，我依家叫你收聲！』之後佢個胃就唔舒服，個肚好多氣，Gur 咗幾日，跟住佢去睇醫生，食咗兩個月胃藥。」單立文笑言：「佢而家好似好輕描淡寫，但當刻係好挑釁！」胡蓓蔚自認性格比較直和倔，經此一役後學識對老公要溫柔一點。

單立文與胡蓓蔚的放閃照：

胡蓓蔚拍拖12年後主動提出結婚

當日單立文和胡蓓蔚拍拖12年才走進婚姻的殿堂，原來當日是胡蓓蔚提出結婚，她說：「係我同佢講結婚嘅，當時好多朋友都係做藝術方面嘅工作，佢哋話結婚生仔冇可能，點知一講完佢哋就結咗婚，之後再生咗兩個小朋友。之後我去探我個朋友，佢好語重心長同我講，其實你哋都要諗諗係咪要結婚，之後我返到屋企，我就話邊個話我哋係咪要結婚呢，佢聽完之後就話好呀。」單立文則認為：「我覺得結婚唔係一件大不了嘅事，簽一張紙就代表你一生一世愛呢個人咩？唔係吖嘛，呢個形式係做畀啲老人家睇，或者係做畀朋友睇，係一場大龍鳳嚟。」

其他文章：

愛回家丨64歲單立文拍通宵獲老婆開心速遞冬至飯盒揸筷子右手傷勢成焦點

單立文65歲生日群星賀壽！胡蓓蔚悉心打扮被彈胡定欣半透視裝不及視帝仔搶鏡

愛回家丨單立文30年前Man爆相重現幕前獲網民力讚：最正嘅西門慶！

---------------------------

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow