「西门庆专业户」单立文拍爱情动作片有呢个睇法被老婆胡蓓蔚激到睇医生个肚好多气

更新时间：12:45 2024-05-09 HKT
发布时间：12:40 2024-05-09 HKT

65岁单立文（豹哥）曾因为多次饰演「西门庆」而被视为「西门庆专业户」，虽然单立文其后「从良」，即使转战电视圈脱离不到「西门庆」。日前单立文接受TVB节目《香港婚后事》访问，单立文坦言没有后悔过拍爱情动作片：「如果你应承要做，你就要努力做好佢。其实都系历史人物啫，冇咩大不了！」

「西门庆专业户」单立文剧照：

在今晚（9日）播出的《香港婚后事》，单立文与太太胡蓓蔚（豹嫂）两夫妇齐齐接受访问，曾在电影圈打滚的单立文，因多次饰演「西门庆」而被视为「西门庆专业户」，当中包括1990年与王祖贤合作的电影《潘金莲之前世今生》、1991年三级片《金瓶风月》、1994年李翰祥执导的《少女潘金莲》及1996年杨思敏主演的《新金瓶梅》系列，还有在1994年与温碧霞、郭可盈主演的TVB剧集《恨锁金瓶》，甚至连《爱．回家之开心速递》亦试过以西门庆的造型现身，可谓入形入格！单立文在节目上说：「蔡澜当初签咗我三部（电影），佢话第一套冇嘢㗎，系个书生喺度打啲妖咁，Lur住带过咁啰。」单立文还坦言没有后悔过拍爱情动作片：「如果你应承要做，你就要努力做好佢，其实都系历史人物啫，冇咩大不了！」

胡蓓蔚自爆激到老公睇医生

单立文与胡蓓蔚在2008年结婚，两人由拍拖到结婚相爱28年依然恩爱如昔，单立文大抛婚姻哲理：「婚姻系两个人三唔识七喺埋一齐，之后产生一种化学作用叫爱情，之后到你 Commit 要照顾一生一世，讲就易啰，当你途中遇到咁多嘢𠮶阵，你个心会唔会动摇？会唔会想放弃？你要重拾正轨去巩固番个婚姻，系好艰难，一段婚姻共富贵系好容易，共患难就唔容易。」胡蓓蔚自爆最近因一事令她有新的领悟：「最近我激亲我老公，激到佢睇医生，原本系好小事，但大家喺度互顶，佢话：『你收声！』我话：『我好冷静，你有咩资格叫我收声，我做咩要收声，我依家叫你收声！』之后佢个胃就唔舒服，个肚好多气，Gur 咗几日，跟住佢去睇医生，食咗两个月胃药。」单立文笑言：「佢而家好似好轻描淡写，但当刻系好挑衅！」胡蓓蔚自认性格比较直和倔，经此一役后学识对老公要温柔一点。

单立文与胡蓓蔚的放闪照：

胡蓓蔚拍拖12年后主动提出结婚

当日单立文和胡蓓蔚拍拖12年才走进婚姻的殿堂，原来当日是胡蓓蔚提出结婚，她说：「系我同佢讲结婚嘅，当时好多朋友都系做艺术方面嘅工作，佢哋话结婚生仔冇可能，点知一讲完佢哋就结咗婚，之后再生咗两个小朋友。之后我去探我个朋友，佢好语重心长同我讲，其实你哋都要谂谂系咪要结婚，之后我返到屋企，我就话边个话我哋系咪要结婚呢，佢听完之后就话好呀。」单立文则认为：「我觉得结婚唔系一件大不了嘅事，签一张纸就代表你一生一世爱呢个人咩？唔系吖嘛，呢个形式系做畀啲老人家睇，或者系做畀朋友睇，系一场大龙凤嚟。」

其他文章：

爱回家丨64岁单立文拍通宵获老婆开心速递冬至饭盒揸筷子右手伤势成焦点

单立文65岁生日群星贺寿！胡蓓蔚悉心打扮被弹胡定欣半透视装不及视帝仔抢镜

爱回家丨单立文30年前Man爆相重现幕前获网民力赞：最正嘅西门庆！

---------------------------

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow