92歲「容姨」譚倩紅暈倒家中!心率不正要做手術安裝心臟起搏器

更新時間:16:00 2024-04-15
發佈時間:16:00 2024-04-15

曾在TVB經典處境劇《真情》中飾演「容姨」的譚倩紅,自從在2004年淡出幕前後,專心過退休生活,閒時與昔日好友們聚會,92歲的譚倩紅日前接受好友汪曼玲的訪問,原來她早前試過在家中暈倒,檢查後發現心率不正,於是安裝心臟起搏器。

相關閱讀:92歲譚倩紅激罕現身超精靈 神級編劇貼合照掀回憶殺

92歲「容姨」譚倩紅最新近況:

曾在《真情》擔任編審和編劇的陳寶華在今年年初貼上與「容姨」譚倩紅的合照,當時譚倩紅非常精靈,笑容亦很慈祥,近日譚倩紅日前接受好友汪曼玲的訪問,原來她早前家中暈倒,檢查後發現心率不正,於是安裝心臟起搏器,譚倩紅說:「我嗰晚食完飯坐喺梳化睇電視,嗰陣天氣仲係好熱,我諗住行去閂咗風扇,點知一轉身就暈低咗,好彩工人啱啱土走過嚟,好彩一剎那好快就醒咗。」

譚倩紅九年前曾做白內障手術

汪曼玲稱譚倩紅的女兒擔心媽咪的身體狀況,於是送院接受檢查,當時身體未有大礙,不過心臟科醫生提議不如帶心臟監察儀,觀察24小時心臟的情況,最後譚倩紅的女兒要求媽媽帶足一星期:「醫生檢查後,要求譚倩紅安裝心臟起搏器,原來譚倩紅在平均心跳率曾跌至29,平常是60-70,最高是90。譚倩紅話做完手術後,情況好咗好多,冇再覺得好攰,佢初時以為攰係因為年紀大,點知原來同心率不正有關。」多年來譚倩紅的身體狀況很好,大約在9年曾接受白內障手術,至今視力不俗:「而家托賴叫耳仔聽得好清楚,思維我自己覺得好好記性。」

 

譚倩紅昔日工作相:

在訪問上,譚倩紅亦透露在16歲的時候,曾經險喪命:「任姐係我嘅開山師傅,12歲佢就幫我接班,到咗16歲跟咗錦添花劇團,陳錦棠一哥,有一班喺廣州要落鄉做戲,嗰次去江門戲院,我記得嗰晚尾戲,有一場叫群雄大會,我有份北派,趁有空檔咪執定啲嘢擺入畫艇,點知行上船嘅中途唔小心跌咗落海,我又唔識得游水,唯有喺度亂爬等人救。」幸好最後被救回,譚倩紅說:「嗰陣連對屐都冇唔見,你話係咪好橋,整定你唔死就係死。我覺得生死有時,富貴由天。」

譚倩紅:最緊要係平安健康

譚倩紅承認自己性格大情大聖,從來不記仇:「又唔係同佢做人世,大家朋友啫,千祈唔好嬲人,分分鐘人哋都唔知仔你嬲佢,咪盞自己辛苦。當我自己最難過嘅時候,我會安慰自己,算喇,一切由天定,人在做,天在看,善惡到頭終有報,只係爭早定遲,所以我做人從來唔嬲人,亦都冇敵人,最緊要係平安健康。」

 

其他文章:

91歲「容姨」譚倩紅近照曝光勁精靈笑容慈祥 生活規律月打兩次麻將防老人痴呆

細數11位年過90歲藝人!笑匠將變百歲人瑞壯健過胡楓 粵劇名伶瀟灑息影神隱多年

90歲譚倩紅84歲余慕蓮現身成集郵對象 文雪兒:開心茶敍

《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF

想睇更多精彩內容,請立即瀏覽「區區有申訴」活動專頁,https://bit.ly/41hgS9E

緊貼最新最快新聞資訊,請立即下載星島頭條App:https://bit.ly/3Q29Vow